Old Mortality, Volume 1. by Walter Scott (motivational books to read TXT) 📖

"And so I suppose you went to a conventicle?" said Morton.

"Ye sall hear," continued Cuddie.—"Aweel, I kendna muckle better what to do, sae I e'en gaed wi' her to an auld daft carline like hersell, and we got some water-broo and bannocks; and mony a weary grace they said, and mony a psalm they sang, or they wad let me win to, for I was amaist famished wi' vexation. Aweel, they had me up in the grey o' the morning, and I behoved to whig awa wi' them, reason or nane, to a great gathering o' their folk at the Miry-sikes; and there this chield, Gabriel Kettledrummle, was blasting awa to them on the hill-side, about lifting up their testimony, nae doubt, and ganging down to the battle of Roman Gilead, or some sic place. Eh, Mr Henry! but the carle gae them a screed o' doctrine! Ye might hae heard him a mile down the wind—He routed like a cow in a fremd loaning.—Weel, thinks I, there's nae place in this country they ca' Roman Gilead—it will be some gate in the west muirlands; and or we win there I'll see to slip awa wi' this mither o' mine, for I winna rin my neck into a tether for ony Kettledrummle in the country side—Aweel," continued Cuddie, relieving himself by detailing his misfortunes, without being scrupulous concerning the degree of attention which his companion bestowed on his narrative, "just as I was wearying for the tail of the preaching, cam word that the dragoons were upon us.—Some ran, and some cried, Stand! and some cried, Down wi' the Philistines!—I was at my mither to get her awa sting and ling or the red-coats cam up, but I might as weel hae tried to drive our auld fore-a-hand ox without the goad—deil a step wad she budge.—Weel, after a', the cleugh we were in was strait, and the mist cam thick, and there was good hope the dragoons wad hae missed us if we could hae held our tongues; but, as if auld Kettledrummle himsell hadna made din eneugh to waken the very dead, they behoved a' to skirl up a psalm that ye wad hae heard as far as Lanrick!—Aweel, to mak a lang tale short, up cam my young Lord Evandale, skelping as fast as his horse could trot, and twenty red-coats at his back. Twa or three chields wad needs fight, wi' the pistol and the whinger in the tae hand, and the Bible in the tother, and they got their crouns weel cloured; but there wasna muckle skaith dune, for Evandale aye cried to scatter us, but to spare life."

"And did you not resist?" said Morton, who probably felt, that, at that moment, he himself would have encountered Lord Evandale on much slighter grounds.

"Na, truly," answered Cuddie, "I keepit aye before the auld woman, and cried for mercy to life and limb; but twa o' the red-coats cam up, and ane o' them was gaun to strike my mither wi' the side o' his broadsword—So I got up my kebbie at them, and said I wad gie them as gude. Weel, they turned on me, and clinked at me wi' their swords, and I garr'd my hand keep my head as weel as I could till Lord Evandale came up, and then I cried out I was a servant at Tillietudlem—ye ken yoursell he was aye judged to hae a look after the young leddy—and he bade me fling down my kent, and sae me and my mither yielded oursells prisoners. I'm thinking we wad hae been letten slip awa, but Kettledrummle was taen near us—for Andrew Wilson's naig that he was riding on had been a dragooner lang syne, and the sairer Kettledrummle spurred to win awa, the readier the dour beast ran to the dragoons when he saw them draw up.—Aweel, when my mother and him forgathered, they set till the sodgers, and I think they gae them their kale through the reek! Bastards o' the hure o' Babylon was the best words in their wame. Sae then the kiln was in a bleeze again, and they brought us a' three on wi' them to mak us an example, as they ca't."

"It is most infamous and intolerable oppression!" said Morton, half speaking to himself; "here is a poor peaceable fellow, whose only motive for joining the conventicle was a sense of filial piety, and he is chained up like a thief or murderer, and likely to die the death of one, but without the privilege of a formal trial, which our laws indulge to the worst malefactor! Even to witness such tyranny, and still more to suffer under it, is enough to make the blood of the tamest slave boil within him."

"To be sure," said Cuddie, hearing, and partly understanding, what had broken from Morton in resentment of his injuries, "it is no right to speak evil o' dignities—my auld leddy aye said that, as nae doubt she had a gude right to do, being in a place o' dignity hersell; and troth I listened to her very patiently, for she aye ordered a dram, or a sowp kale, or something to us, after she had gien us a hearing on our duties. But deil a dram, or kale, or ony thing else—no sae muckle as a cup o' cauld water—do thae lords at Edinburgh gie us; and yet they are heading and hanging amang us, and trailing us after thae blackguard troopers, and taking our goods and gear as if we were outlaws. I canna say I tak it kind at their hands."

"It would be very strange if you did," answered Morton, with suppressed emotion.

"And what I like warst o' a'," continued poor Cuddie, "is thae ranting red-coats coming amang the lasses, and taking awa our joes. I had a sair heart o' my ain when I passed the Mains down at Tillietudlem this morning about parritch-time, and saw the reek comin' out at my ain lum-head, and kend there was some ither body than my auld mither sitting by the ingle-side. But I think my heart was e'en sairer, when I saw that hellicat trooper, Tam Halliday, kissing Jenny Dennison afore my face. I wonder women can hae the impudence to do sic things; but they are a' for the red-coats. Whiles I hae thought o' being a trooper mysell, when I thought naething else wad gae down wi' Jenny—and yet I'll no blame her ower muckle neither, for maybe it was a' for my sake that she loot Tam touzle her tap-knots that gate."

"For your sake?" said Morton, unable to refrain from taking some interest in a story which seemed to bear a singular coincidence with his own.

"E'en sae, Milnwood," replied Cuddie; "for the puir quean gat leave to come near me wi' speaking the loun fair, (d—n him, that I suld say sae!) and sae she bade me God speed, and she wanted to stap siller into my hand;—I'se warrant it was the tae half o' her fee and bountith, for she wared the ither half on pinners and pearlings to gang to see us shoot yon day at the popinjay."

"And did you take it, Cuddie?" said Morton.

"Troth did I no, Milnwood; I was sic a fule as to fling it back to her—my heart was ower grit to be behadden to her, when I had seen that loon slavering and kissing at her. But I was a great fule for my pains; it wad hae dune my mither and me some gude, and she'll ware't a' on duds and nonsense."

There was here a deep and long pause. Cuddie was probably engaged in regretting the rejection of his mistress's bounty, and Henry Morton in considering from what motives, or upon what conditions, Miss Bellenden had succeeded in procuring the interference of Lord Evandale in his favour.

Was it not possible, suggested his awakening hopes, that he had construed her influence over Lord Evandale hastily and unjustly? Ought he to censure her severely, if, submitting to dissimulation for his sake, she had permitted the young nobleman to entertain hopes which she had no intention to realize? Or what if she had appealed to the generosity which Lord Evandale was supposed to possess, and had engaged his honour to protect the person of a favoured rival?

Still, however, the words which he had overheard recurred ever and anon to his remembrance, with a pang which resembled the sting of an adder.

"Nothing that she could refuse him!—was it possible to make a more unlimited declaration of predilection? The language of affection has not, within the limits of maidenly delicacy, a stronger expression. She is lost to me wholly, and for ever; and nothing remains for me now, but vengeance for my own wrongs, and for those which are hourly inflicted on my country."

Apparently, Cuddie, though with less refinement, was following out a similar train of ideas; for he suddenly asked Morton in a low whisper—"Wad there be ony ill in getting out o' thae chields' hands an ane could compass it?"

"None in the world," said Morton; "and if an opportunity occurs of doing so, depend on it I for one will not let it slip."

"I'm blythe to hear ye say sae," answered Cuddie. "I'm but a puir silly fallow, but I canna think there wad be muckle ill in breaking out by strength o' hand, if ye could mak it ony thing feasible. I am the lad