TEKANIRIZA OKUTWARWA KWEKANISA (Ugandan Version) by Susan Davis (reading e books txt) 📖

osobora kugonza omukazi rundi omusaija wawe, rundi abaana baawe, rundi abazaire, rundi abaana, baitu otekwa kugonza NYOWE kukira abo boona, kandi okanyetaaga kukira byoona. Engeri oragumizamu kunyekambira, okunyetaaga kunu kwija kweyongera kukura.

3. Asoma ebaruha zange ezengonzi haluwe. Ebaruha zinu nibazeta Endagaano enkuru hamu nendagaano empyaka. Nimwetegereza kinu, nikyesoboraaho kyonka.

4. Aramya kandi atendereza Ibara LYANGE. Kinu tikikwetaagisa kukorwa tenor rundi soprano, rundi omuzindaaro ogwomubantu ogukooto. Asobora kuntendereza nebigambo ebitoito rundi ebingi, habwokuba manyire omutima gwe. Obwaba ajwahire, rundi arwaire, nimanya ngu ebigambo bitaito bimara habwokuba manyire omutima gwe. Akamwenyo kuruga omumutima kagenda orugendo ruraira na RUHANGA wawe.

5. Anyoleka nangonza habwokugendera abandi nabatebeza enjiri. Asobora kukora kinu aina enkerembe omungaro rundi Omwana, rundi omuzaire owarwaire, rundi ali aha mulimo. Takwetagisibwa kubanza kukitekaniza nobukiraaba ngu asobora kuteeka omulimo gunu ogwokugonza abandi aha kalenda ye. Tindi hakwenda emirimo baitu ndi aha busubuzi bwa TAATA wange nubwo kuleeta abandi hali NYOWE hamu nokubaleta haliwe. Abo bonka abanyakunyizira, nibo barabaganaga okubaho kwa TAATA WANGE, TAATA WANGE O' owarukwera, omu Iguru. Kugendera abandi kutebeza enjiri tikikwetagisa kubanza kuba norugendo rwahara kandi orukujwahya. O' nangwa. Koma bukoma akantu koona ahansi, sasura obusente butaito, obwomuntu akwetaaga, hindukira omuntu weena owanyakwemeriire haihi, rundi owanyakukwikaliire haihi. Baza ebigambo ebyengonzi rundi ebikugaaramu amaani hali abo. Nubwo osobora kugamba ngu RUHANGA nakugonza muno, muno, kandi ninyenda okimanye ngu tuli omu bwire obwokusembayo kandi naija bwangu kutwara ekanisa ye, omugole we, kandi nakwenda kugenda nawe, kandi takwenda osigale enyuma. Nukwo oti osobora kwekakasa ngu tosobora kusigara enyuma. Bahereze link--eya "Marriage Supper of the Lamb". Osobora kugihandiika aha kakadi kobusuubuzi, kandi okakarabyamu omu bantu, rundi osobora kukabasomera, bakahandiika aha rupapura rwakatabu. Osobora kukarecodinga ahantu hoona, hokwenda, rundi omumulingo gwoona ogwokwenda. Guli omulingo oguterekeriire muno ogwamananu, ogwosobora kuba anyakweteekaniize habwokwija KWANGE. Nyeikiririize NYOWE nyenka omulimo gunu habwamaani ga MWOYO WANGE ARUKWERA hali Susan Davis obuyali ali aha kusiiba kwebiro makumi ana. Muhara WANGE, Donna akora na Susan. Bali bahereza abakukora hamu hansi YANGE hamu na MWOYO ARUKWERA. Omu ali munwa, ondi ali mikono, baitu boona bakora omubiri, ogukukora ebigendererwa byange omu bwire bunu obwempero.

 

Omuhara WANGE onu ahandiikire kurungi muno nobwegendereza ebigambo binu, habwanyu, abahuliiriza ba Minister Curtis Roach's radio hour omu UK baitu ebigambo binu biri bya boona abaikiriza hamu na boona abakwenda kuba abetekaniriize okutwarwa habwokwija kwomukama wanyu okwabwangu.

 

Onu nuwe MUKAMA akubaza. YAHUSHUA HA MASHIACH. Amiina, Amiina, Amiina. Leka obude obu obwokujaguza bugambe, bugambe bugambe. Amiina.

 

Bisainingirwe, byasibwa, kandi byaherezebwa na kiss erukwera kuruga hali OMUHANGI wanyu. Amiina.

 

25. KAKUSINGA ORAKWATIRWA OMUMIHANDA YENSI OIJA KUSIGWA

 

(Ebigambo ebitungirwe Susan kuruga hali MUKAMA waitu, Okwaikumi nebiri 13, 2013)

Baana, NINYOWE RUHANGA wanyu, ndihanu kubahereza ebigambo ebindi:

 

Haroho empindukahinduka omu mwanya. Dora haihi naiwe, eri buli hamu. Abantu tibamanyire hali okwija KWANGE, baitu abanyakwijuzibwe OMWOYO WANGE nibakirora: abo abakumanya RUHANGA wabo; abo abanyakumara obwire NANYOWE omu kaikaro akensita, abo abanyakusoma Baibuli zaabo buli kiro; abo abanyakubagana OMWOYO WANGE. Barora na maiso GANGE ekyo ekirimu kugenda omunsi.

 

Ndimu kwija kusikamu abo abanyakulimu kutunurra, abo bonka abalindiriire, nibarora. Abandi boona abanyakulimu kukwata ensi baija kulekwa. Kakusinga orakwatirwa omu mihanda yensi, oija kusigara. Kinu kiri kigambo ekigumire, baitu gali mananu GANGE. Soma ekitabu KYANGE kandi oyerolere. Kakusinga wali omanyire, wakumanyire ngu ganu mananu. Abo bonka abanyakwemeriire haihi NANYOWE baija kurorwa NYOWE kandi batwarwe obundagarukira abange.

 

Banu nubo ndukwetaaga kuba nabo kumara ebiro byoona, abo abandayeta omugole WANGE, Abo abandabagana nabo okujaguza omubugenyi. Abo nibo abaraaba NANYOWE nkomugole WANGE kumara ebiro byoona. Abo abarasigara enyuma nibasobora kwija hali NYOWE hanyuma, baitu tibakwija kuba Bagole BANGE kandi baingi baija kugwa omu kuhwerekerezebwa okwabwangu bataine kunihira kwoona okwokugarukaho.

 

Kinu kiri KIGAMBO ekikuru, baana BANGE. Mutekwa kumanya ngu ndi RUHANGA owa mananu. Mutekwa kumanya era ngu ndi RUHANGA owatasobora kuzanirwaho. Mutageza kundengesa obugumisiriza BWANGE. Ego, ndimugumisiriza baitu mutayanga omuhendo ogwasasuirwe habwanyu aha musaraba, rundi musobora kufwerwa akagisa kanyu akokujunwa.

 

Binu biri bigambo ebikazire habwobwire bunu obukuru. Okwija KWANGE kuli haihi. Mube bulindaara, mwetekanize, mutekanize ebijwaro byanyu, mute amaiso ganyu hali NYOWE. Ndi kunihira kwanyu kwonka. Muheyo ebyanyu byoona hali NYOWE, muheyo hali okugonza KWANGE. Mwegarukemu hali RUHANGA wanyu habwekibi ekyenyuma, soma ekitabu KYANGE buli kiro, sabira baliraanwa banyu hamu nabagonzebwa banyu, kandi musabe ngu musobole kusangwa muhikire aha kwija KWANGE. Ebigambo binu gali mananu, ndi RUHANGA owa mananu.

Onu ni MUKAMA owa haiguru

Ebyahandiikirwe ebikugenderaho:

 

Zabuli 91 Anyakuikara omu kiikaro ekyensita ekyogu anyakuli haiguru muno Nuwe araikaraga ha kiituru kyowobusobozi bwoona.

 

Okusukururwa 16:15 Dora ninyija nkomusuma, aina omugisa ogu owanyakutunurra, kandi akalinda ebijwaro bye, kitalyekyo arubate Ali busa kandi aswale.

 

Yakobo 4:4 Inywe abakazi abasihani timumanyire ngu okuganjana okwensi nubwo bunyanzigwa na RUHANGA? Nukwo omuntu wena anyakugonza kuba enganjani yensi buli ayefoire omunyanzigwa wa RUHANGA.

 

Matayo 22:1-14 Orufumu rwo bugenyi bwomutabani womukama.

 

 

26. BUSAHO NOMU ARAABA KURUNGI KURUGA HALI OKWEBEMBERWA KWOMUSAIJA OMUBI OWAKWEBEMBERWA EMYOYO EMIBI

 

 

 

(Ebigambo ebitungirwe Susan kuruga hali MUKAMA waitu, Okwaikumi nebiri 15, 2013)

Baana BANGE abakugonzebwa, onu ni MUKAMA wanyu. Ndimu kwija, kandi busaho nomu owasobora kuntanga. Abamu baikiriza ngu tindiija. Abamu baikiriza ngu tinkwija habwobwire buraira muno. Abamu bantekerezaho nka RUHANGA owa hara muno. Tinyina kindi kyoona hali binu byoona. Ndimu kwija namahe GANGE agabamalaika agamaani. Ningya kuchwamu nkingule omumwanya noburungi bwekitiinisa kyobukama BWANGE hamu nokubaho KWANGE. Abo abatunuliire barandora kubanza. Baija kurora OMUKAMA wabo nakora okutaahamu okukooto.

 

Siteji eija kuba etekanizibwe habwokwihwamu kwomugole WANGE kumwimukya haiguru omumwanya kumwiha omu muhanda gwokuhutazibwa. Aija kumpondera omu kuba kurungi. Ngya kumusika musumurre. Haija kubaho kurwara okwabaingi. Abantu baija kwirukira buli hamu nibahuniira ekyo ekibabaireho, habwa bantu ababuzireho hamu nakavuyo. Haija kubaho okusoborra kwingi muno habwekyo ekinyakubaireho. Baingi baija kugarwamu amaani ekibi, abo abakwenda kugaara hansi OKWIJA KWANGE.

 

Ensi tekwija kwongera kuba nkengeri ebaire. Kiija kuba entandikwa eyomulembe oguhyaka... entandikwa yobukama bwomuhakaniza wa KRISTO, omu kuhambisiriza okwijwire, omulingo gwo muntu ogwo kulengaho kumanyiira embeera enyakusigaireho hanyuma yokutwarwa kwomugole WANGE Kuruga omunsi. Kasta omugole WANGE amara kutwarwa aliwobugabe kandi na MWOYO WANGE aihirwemu kuruga mumuhanda, obukama bwomunyanzigwa WANGE bwija kwija omu maani maingi kandi busaho nomu aija kuba kurungi hali okwebemberwa kwomusaija omubi owakwebemberwa Emyoyo emibi, kuruga omu bukama obwekiriima.

 

Omuhito gwija kufuga omunsi engeri ndaikiriza, ekiniga KYANGE kuseseka hali ensi. Okubonabona kwija kufuga mubukuru--okubonabona okukuru. Abaana BANGE abasigaire enyuma, baija kurora esaaha yabo eyenyakusigaireyo ekiirima. Enchwamu ezekiirima ziija kuba zabu kukora kukomamu hagati yenkora yomuhakaniza wa KRISTO, eyekwebembera netwara omu kuhwerekerra okutahwaho, rundi kukomamu kurwanisa enkora enu eyekuduumira eyekubatwara omu kwitwa okwa baingi. Baingi baija kubonabonesebwa, kandi babonabone muno nukwo basobole kutoroka obukama obwekiirima obukwija kufuga ensi, hamu naabo abasigara enyuma. Musobora kwehara emaliira enu mumpindukire hati nkokunihira kwanyu kwonka.

 

Mumpereze ebyanyu byoona, mu byoona--okwehayo okwijwire okwokugonza kwanyu omumikono YANGE. Ngya kubalinda mbebembere, mbaikaze omu Kugonza KWANGE, obumuraaba malikwo nimwenda kuba BANGE. Mweheyo bwehayo, mwegarukemu, kandi mweheyo hali NYOWE. Byoona biija kuba birungi hagati yaitu. Ngya kubalinda hali ekibi ekirimu kwija--enkora eyenyakuli nahati omumirimo. 

 

Boojo muhindule obwomezi bwanyu mubumpe. Ndimu kubesengereza baana. Murubate na RUHANGA wanyu mugye omu kuba kurungi.

 

NINYOWE RUHANGA.... NDI OWAKUMANYA BYOONA...

 

OWAKURORA BYOONA... ALPHA NA OMEGA...

KUTANDIKA HAMU NOKUMALIIRA

 

Ebyahandiikirwe ebikugenderaho:

Engeso zabakwenda 1:11 Nibagamba ngu inywe abantu abagaliraya nimuro'raki haiguru? YESU ogu abaihirweho okutwarwa omu Iguru nukwo aliija ati nkokumumurozire nagenda omu Iguru.

Luka 17:24 Baitu enkuba obwemulikya okuruga harubaju orumu orwiguru nkokwemulikya okuhika harubaju orundi orwiguru nukwo omwana womuntu aliba ati hakirokye.

Luka 21:36 Baitu inywe murolege bwona, musabege musobole okukira ebi byona ebirihikiira nokwemerra omumaiso G'omwana womuntu.

2 Abasesalonika 2:7 Baitu ekyensita ekyobwemi nikikyakora: kyonka haroho arukutanga hati bunu, okuhikya obwaliihibwaho.

 

Okusukururwa 14:9-10 Kandi malaika owakasatu yabahondera, nagamba neiraka eryamaani, kakusinga omuntu wena aramya ekisoro hamu nekisisani kyakyo, kandi akatunga emanyikirizo yakyo ahabuso, rundi omumukono gwe, Ogu wenyini alinywa wine yekiniga kya RUHANGA, ekisesirwemu omukikopo kitatabwire kandi alibonabonesebwa nomurro hamu nobuganga omumaiso ga bamalaika abarukwera hamu nomumaiso gomwana GWENTAAMA.

 

27. NINGYA KUTERANIZAMU OBURORWAHO BWANGE HAMU NEBYOKUHUNIRIZA

 

Ebigambo bya MUKAMA ebya Kiro kinu

Enzige, ebikere, ente ezifwire, amaizi agaahindwirwe omusaahi, enda, orubaale, ebihere, hamu nekiirima ekikutiinisa bitatukumize omutima gwa Pharaoh okulekera abaana ba Isaleri. Okuruga 7:3 nesoma eti: Kandi ngya kugumya omutima gwa Pharaoh, kandi nteranizemu oburoraho bwange hamu nebihuniriza omu itaka lya misiri.
… Okuruga 7:14 negamba eti: Kandi MUKAMA yagambira musa ati, omutima gwa Pharaoh gugumire, kandi nayangira abantu okubaleka bakagenda. Hamu no Okuruga 8:15 nayo negamba nti: kandi Pharaoh obuyarozire okulemeraho, akagumya omutima gwe kandi yayanga kubahuliriza; engeri MUKAMA yali agambire.

Nooha atabazaho omutima gwa Pharaoh ogugumire nobuhoolebwe, okugumisiriza ekigwererezi nkekyo kandi era yalemesa okutaisa kwa baana ba Isaleri kuruga omu misiri? Oine kutekereza ngu omusaija onu mali akaba naikara aha kisaaru ekyo "kuhakana."

Abanyamisiri bakarora emihito eyekusingayo hamu nebigwererezi kandi kunu nomwebembezi wabo akaba atasobora okuhuliiriza okurabura kwa RUHANGA! Wow-- kinu nikikwijukizaki? Nikiisanaisana nkekisisani nkengeri ekanisa enyakuli koya koya hamu nabantu bensi engeri bakwanga kwikiriza oburorwaho hamu nokurabura kwingi omu baibuli okwomulembe gunu ogutasobora kuhinguraho kuhikya ebintu byoona bimazire kuhikirizibwa okutwarwa kwomugole owa KRISTO kutakabaireho? 

 

Kiri kita kurora ngu oburorwaho bwomu baibuli obwahandiikirwe emyaka 2000 enyuma nibusobora kubaho hamu, kandi kunu abantu nibanga RUHANGA hamu nokurabura kwe, hali okwehayo hamu nokwetekaniriza okugaruka kwa KRISTO?

 

Engeri Baibuli ekugamba, omunyanzigwa womuntu, sitaani alimu kukora omulimo omu kuita amaiso gabantu: 2 Abakorinso 4:3-4 Baitu enjiri yaitu eraba eswekeriirwe, eswekerirwe hali abo abarukuhwereke'ra: kandi omuli abo RUHANGA owobusinge bunu akaigara amaiso gamagezi gabatarukuikiriza, nukwo omusana ogwenjiri eyekitiinisa ekya KRISTO, nuwe kisisani kya RUHANGA, gutabajwera.

Kandi era nikigamba omu baibuli ngu amagezi goona agabantu baseera bataine RUHANGA gaija kubalyamu orukwe kandi gabaite amaiso hali amananu: 2 Timoseo 3:7-8 Nibega obutosa, kunu tibasobora ebiro byoona okuhikya okumanyira kimu amazima. Kandi nka Yane na Yambere okubatangire MUSA nukwo batanga bati amazima, abantu abasisikaire omumagezi gabu.

 

 

Baibuli era nabwo negamba ngu RUHANGA (engeri yakozire na Pharaoh) aija kuteeka omumitima yaabu kukora okugonza kwe: Okusukururwa 17:7 Kandi MUKAMA ataire omumitima yabu okuhikiriza Okugonza kwe, hamu nokwikiriza, hamu nokuhereza obukama bwabo ekisoro kuhikya ebigambo bya RUHANGA obubirihikirizibwa.

 

Hanu haroho ebindi biingi ha intaneti ebiine ekizibiti ekikwoleka ngu okwija kwa MUKAMA okwatebeserezibwe kuli haihi muno, obusumi butaito muno mumaiso:

http://bibleprobe.com/end-times-signs.htm

http://www.signs-of-end-times.com/

http://www.signs-of-end-times.com/the-last-days-end-of-world-signs.html

 

https://www.facebook.com/www.endtimesnewsreport/

 

https://www.facebook.com/endtimesbloodrivers/

 

https://www.facebook.com/endtimesandfloods/

 

https://www.facebook.com/EndTimeslandslides/

 

https://www.facebook.com/Endtimesmassanimaldeaths/

 

https://www.facebook.com/pestilenceendtimes/

 

https://www.facebook.com/endtimessign/