TEKANIRIZA OKUTWARWA KWEKANISA (Ugandan Version) by Susan Davis (reading e books txt) 📖

5. BAIBULI YAWE ERIMU KWEZINGURRA MUMAISO GAWE

 

(Ebigambo ebitungirwe Susan kuruga hali MUKAMA, Okwamusanju 15, 2013)

 

Ebigambo bya MUKAMA ebihairwe Susan:

 

Susan, NINYOWE MUKAMA wawe. Ninyenda ohereze abaana BANGE ebigambo binu:

 

Esaaha erimu kutaahamu. Baana BANGE era timukyayenda kuhuliiriza kurungi. Ntumire abanabi BANGE, ebigambo BYANGE, oburorwaho BWANGE. Era nkaranga ebyo ebiraabaho emyaka nyingi muno eyenyuma. Nkahereza kinu kuraba omu kigambo KYANGE ekyomuhendo, kuraba omu banabi BANGE abomuhendo, emyaka mingi muno eyenyuma.

 

Kiro kinu, ebigambo ebyo bikyali bigumu muno nkokubyali biri emyaka nyingi eyenyuma. NYOWE RUHANGA, Timbiihabiiha. Ekingamba ngu kiraabaho kirimu kubaho. Baibuli yawe erimu kwezinguura mumaiso gaawe. Suukura ekigambo KYANGE kandi kiri murukaara nobwire bunu. Abo bonka ababyamire tibasobora kukirora. Abo bonka abakwegondeza Kuba bajeemu nibo bakwanga kurora obwire obubakwikaramu. Tibakwenda kwikiriza ngu ebigambo BYANGE nibiija kuhikiira. Nibagonza ensi enu muno kandi kinu nikiremesa engonzi zaabo nensi.

 

Kakusinga oikiriza ebigambo BYANGE kandi okahondera amananu GANGE, wakulekereho okukoragana n'ensi kandi wakwikaliire ohuliiriza kurungi muno hali ekyo ekirimu kubaho haihi naiwe. Engeri kiri, nimwenda kuhambya ebintu byoona ebirimu kwetorora omunsi enu. Nimwegomba ensi, eyenyakuhinduire omugongo gwayo hali NYOWE. Mutunzire emyoyo yanyu na sitaani, kandi mwaguhingisa nokurubata okutaito nensi enu eyekibi eyenyakulimu kuhwaho bwangu. Timurukumanya ngu kakusinga muhambya emihanda embi eyensi enu ngu nimugya kumaliira honka nambere enkozi zebibi zikugenda?

 

Mwimuke baana BANGE, mwimuke bwangu. Mulekeraaho kwesiihaniza nomugonzebwa omubi, owakwija kutwara byoona ebimwine kandi akabalekera okuhwerekera. Binu tibiri bigambo ebya RUHANGA owakazire kandi owataine mbabazi. Binu biri bigambo ebya Taata owakugonza owakugezaho kujuna abaanabe abali harukungu bali haihi kugwa omukiina nambere batalisobora kuruga bakarorwaho.

 

Mulimu kuhindukira bwangu omu mutego gwomunyanzigwa. Amaiso ganyu gafwire hali amananu, kandi omulingo gumu gwonka ogwokuturuka guli kakusinga mumpindukira. Mutekwa kugaruka hali RUHANGA wanyu kandi mukahayo mukwebundaaza obwomezi bwanyu bwoona. Akachweka kobwomezi bwanyu konka tikarukumara. Ninyenda byoona rundi tinkwenda nakataito ako. Oba mumpereze byoona rundi muraitwa empirimo. Empirimo yomunyanzigwa WANGE owakuyayana kuteeka abaana BANGE boona omugehena. Kandi gehena erimu kugaliha buli kiro, nemira abaana abo boona abanyakunyanga nka RUHANGA wabo.

Kakusinga oraaba otali WANGE weena, obutumwa bunu bwawe. Kunu kuli kurabura, kandi hati nomanya ekinkukwetaagaho. Tosobora kugamba ngu ntakuhabule. Nkuhabwire omumiringo nyingi, nahabwekyo mulintunurra mutaine byekwaso aha kiro ekyo ekituliba nitutunurra ngana maiso na maiso. Nahabwekyo obumulyemerra omumaiso GANGE, ndibabumbatira nkabange rundi ndibahungura aheeru kuruga mumaiso GANGE habwebiro byoona? Kinu hati kitekwa kuba enchwamu yanyu, habwokuba NYOWE RUHANGA tinsobora kubakomeramu. Ninsaba ngu Musobole kwija NANYOWE obwire butakahoireyo muno.

 

Onu nuwe MUKAMA wanyu kandi OMUJUNI:

 

Owamaani omumbabazi hamu nembabazi;

 

Owamaani omu bwinganiza hamu namananu

Ebyahandiikirwe ebikugenderaho:

 

Matayo 24:32-35 Kandi mwegere hali omutini orufumo rwagwo: itagi lyagwo obulinyeta amababi nigarokera, buli mumanyire omwaka guli haihi: nainywe nukwo muti obumulirora ebigambo ebi byoona, mumanye ngu ali haihi ali ha nyigi. Mananukwo nimbagambira nti obusinge bunu tibulihwaho, rundi ebi byoona bimazire okuhiki'ra. Iguru nensi birihwaho, baitu ebigambo byange tibirihwaho.

 

Isaya 13:11 Kandi ndibonabonesa ensi habwekibi kyabu, nababi habwokusisa kwabu ndifisa emyehembo yabarukwekuza bonka, ndibundaaza hansi okwekunika kwahatinwa.

Okusukururwa 6:8 Narora kandi Dora,embarasi kisa; nogu akaba aikalireho ibaralye rufu; okuzimu nemukuratira. Kandi bahabwa obusobozi hali ekichweka ekyakana, ekyensi okuita nempirima, nenjara, norufu, nenya maiswa ezahansi.

 

Abarumi 14:12 Nukwo itwena tulyetonganira omu omu hali RUHANGA.

 

Isaya 5:14 Nikyo okuzimu egalihize okwegomba kwayo, eyasamire akanwa kayo okukira okulenga nekitiinisa kyabu, nekitebe kyabu, nokwenyumiza kwabu nanyakusemererwa omulibo basirimukamu.

 

6. OMUTIMA GWANGE NIGURUMWA AHABWA BULI MUSIISI OWANYAKUBUZIRE OWASAMBA OMU BWOMEZI OBWEBIRO BYOONA ATAINA NYOWE

 

(Ebigambo ebitungirwe Susan kuruga hali MUKAMA, Okwamusanju 7, 2013)

 

Tusobora Kutandika:

 

Onu nuwe MUKAMA WANYU kandi OMUJUNI, YAHUSHUA:

 

Nkaija nukwo nsobole kusumurra abasibe--kusumurra ababuzire. Kuleeta amananu omu kyererezi. Nyizire nukwo abantu basobole kukwata engonzi za RUHANGA. Nkagonza kwoleka engonzi za RUHANGA Kuraba omu kujuna KWANGE hamu Nembabazi zange ezikujuna.

 

Ndi RUHANGA owa Kugonza. Engonzi Zange tizikwetegerezebwa. Nkasasura ekibonerezo ekyoruganda RWANGE orwabuzire, oruganda rwa Adamu. Nketeeka hansi. Nkatwara omukyeno, okuterwa, okuchwerwa ebichwanta, nkatwara okuhutazibwa, ekiboneerezo. Nketweka ebibi. Nkatwarwa okuhubwa embooko, Nkabyama hansi kuhikya obunasigaire kwonka. Nobukwakuba mukasumi akakusemberayo kimu, nkabonabona kukaba kubonereza okwembaganiza, okunagumiisirize. Omubiri Gwange gwoona gwali omubusaasi. Nkarumwa kandi nkaba muburumi bwingi obwokubonabona kuhikya obunaikize ogukusembayo. Omutima gwange gukachweka engeri naliirwemu orukwe abantu BANGE, abo bonyini abanali mbaliizemu obwomezi omulibo.

 

Nkarora okubonabona kwomuntu ahamukono gwomunyanzigwa WANGE. Kakusinga tikwali kwegondeza KWANGE okugumisiriza omulimo ogwo kweteka omukiikaro ekyomuntu hamu nokwetweka emigugu eye bibi ebyomuntu aha mabega GANGE, boona bakubuzire--bookibwe ekiniga kya RUHANGA, RUHANGA OWAMAANI GOONA.

 

Okubambwa KWANGE hamusaraba hamu nokwebundaaza kuchweka, hamu nokubonabona nikyo kisumuruzo kyanyu ekyo kujunwa. Nugwo omuhanda gwanyu omurungi ogwokurabamu. Busayo orwigi rundi rwoona rundi omuhanda ogulijuna abantu, abantu abasisire kuhingura ekibonerezo. Omusaahi GWANGE oguherezibwe niguhingisanizibwamu nemyoyo yabantu enyakubuzire. Nigumara okujuna abantu boona hamu nokusika abantu kuruga omumurro, omurro ogutazima ogwa gehena. Kandi kunu gehena negaliha buli kiro habwokuba abantu hamu nemyepanko yabo banga kutunga okujunwa okwamaani nkakunu, okwo okwa RUHANGA kubyama hansi, okuteerwa hamu nokujumibwa kuhikya hamulingo ogwatakumanyirirwa habwokusasurwa okwijwire okwekibi hamu nobubi. Busaho okusasura kundi kwona okwakubaire kumaliriire.

 

Nimugambaki hali kunu okusumururwa okwomuhendo? Murakutunga kandi muheyo ebyanyu byoona hali NYOWE mwikirize OMWOYO WANGE kuba nokulema okwijwire hali OMWOYO gwawe hamu nobwomezi? Kinu nikyo kikubanihirwamu okutunga okujunwa KWANGE hamu nokuha obwomezi, OMWOYO owa kuha amaani, obwire obwijwire omu bwomezi bwawe kurubata naiwe buli hoona hokugenda.

 

Otasangwa otaine kantu koona mungaro, otaine OMWOYO WANGE omubwijwire omubwomezi bwawe obundagarukira omugole WANGE. Mutekwa kwanguha okwija omu mbabazi Zange ezikugonza. Baingi muno baija kwikaza engaro zaabo omunsaho zaabo bangire kwimukya emikono yabu omu kunyumiza hamu nokwehayo. Abo abaine ensaho ezijwire baija kusigara enyuma. Emyepanko yawe eriyamaani muno kukulemesa iwe kusika omukono kuruga omunsaho zaawe hamu nokuziimukya omu kwegarukamu hamu nomukwehayo?

 

Chwamu. Kiki ekisobora kuba nikikira okujunwa okwomwoyo gwawe?

 

Lekeraaho kuhambya omuyaga hamu nensi enu enyakubuzire. Leka okugonza kwawe kukorwe omubwomezi bwawe. Rubata omubwire bwomumaiso obukwangasana, hara yokuhwerekeera okulimu kwija bwangu okwensi enu embi. Tinkwija kulindiira ebiro byoona hali iwe kuchwamu. Tihali hara muno kandi ntekwa kuchungura ekanisa, Omugole WANGE.

 

Omutima Gwange nigurumwa ahabwa buli musiisi owanyakubuzire owasamba omu bwomezi obwebiro byoona ataina NYOWE RUHANGA we.

 

NINYOWE OGWO NINYOWE

 

RUHANGA owatahwaho owebiro byoona

Ebyahandiikirwe ebikugenderaho:

 

Isaya 61:1 OMWOYO gwa MUKAMA RUHANGA guli hali NYOWE, baitu MUKAMA ansesereho amagita okudumira abanaku ebigambo ebirungi; antumire okuboha abanyina omutima oguchwekere, okudumira abanyankomo obugabe okulekera abo ababoherwe.

 

Luka 4:17-21 Bamuha ekitabu ekya nabi Isaya. Yasukura ekitabu, nazora ekichweka nambere kihandikirwe ngu, Omwoyo gwa MUKAMA guli hali NYOWE, Baitu akansesaho amagita okutebeza abasege ebigambo ebirungi; Akantuma okutebeza okulekerwa hali abanyankomo, Nokuigura amaiso gabafu bamaiso, okulekera abasasanguirwe, okutebeza omwaka gwa MUKAMA ogurukuikirizibwa. Kandi yasweka ekitabu, yakigaru'ra omuhereza, yaika'ra abantu bona abakaba bali omu iso'rokaniro nibamugamyaho amaiso. Kandi yabanza okubagambira ati hati ebyahandiikirwe binu bihikirizibwe omu matu ganyu.

 

Marako 10:34 Balimute'ra enaku, balimucwera amacwanta, balimuteera, balimuita, kandi ebiro bisatu obubirikahinguraho, alihumbuka.

 

Isaya 52:14 Nkabaingi okubakuhunirireho (amaisoge gakasisikara okukira abantu bona, nokusisanakwe okukira abaana babantu.

 

7. EKIROOTO EKYOKUTWARWA KWEKANISA

 

(Kyakabiri, 2, Okwamusanju, 2013....

Akugonzebwa muno Susan: Ninihira kinu kikusangire oli kurungi. Ntekeriize okubaganaho naiwe ekirooto ekyokutwarwa okwekanisa ekinatungire kyabalaza, 1, Okwamusanju, 2013, omu saaha eza kara muno ezanyenkyakara.

 

Nikyo kinu.............

 

EKIROOTO EKYOKUTWARWA KWEKANISA

Kyabalaza, 1, Okwamusanju, 2013

 

Kikaba nkarundiisi nkaba ndi aha rugendo ningenda omu tauni yomuka, hati natekereza kikaba kiri nkekichweka ekinali mbairemu obwire bwenyuma. Obunali ninkyatambura, nketegereza ngu hakaba haliyo ebicu omumwanya. Obunali ninkyarora omumwanya hamukono gwange ogwo bumoso, nkarora ekicu ekikutukura kiri nkentale enkooto muno. Kubanza nkatekereza nikiija kuntiinisa baitu nagumizamu nindubata--ningenda mumaiso. Narora handi (haihi mukono gwange ogwobulyo, omumwanya) naho ebicu ebindi bikozirwe nkentale.

 

Obunali nkyagumizamu aha rugendo rwange, nkahika hali eka, nambere nayenzire kukaguza akahanda akokurabamu nukwo nyanguhirwe kuhika nambere nali ningenda. Haaroho abakazi babiri ahaka egyo...omu Mwiraguvu, ondi mujungu. Omujungu nuwe yabandize kwija okundamukya. Obuyali nakyasembeza omukono gwe okunkwata omungaro, omukazi owakwiragura yayanguha kulemesa omukazi omujungu, nkandiisi nayenda kumulemesa okundamukya. Baitu nobukiraaba ekyo, omukazi omujungu akemeera yahakaniza yasingura, nukwo yangambira ngu natunda emu aha motoka ze.

 

Omukazi owakwiragura era yayongera yayenda kulemesa omukazi omujungu kukora kinu, baitu era atasobole kumulemesa,kandi yagenda mumaiso yanyoleka emotoka. Kinu akakikora ahabwokuba nkaba nyolekere mubitekerezo byange ngu nkaba ningonza okugigura. Ahonaho obunali ninkyarora emotoka, ebintu ebimu byatandika kubaho haihi naitwe. Hakaba haroho okurubatana haihi naitwe. Nkarora obuchweka obumu obweitaka obwakinyansi kibisi nibuseyeya, nibwisana nibuseyeya aha bicu ebikwera. Nayongera narora ebyo ebyaisanaga ekyererezi ekikurubata, kimu hanyuma yekindi. (Nabwo nkarora ebyererezi bimu nkabinu omukirooto kyange Ekya, 11, 2013) omu kirooto ekyokutwarwa okwekanisa). Nayongera narora emyezi esatu omumwanya nahuniira nagambira omukazi, "Hey haroho ekirimu kubaho" norora emyezi enu esatu? Omu aha bakazi yagarukamu, oh norora esatu yonka? Haroho emyezi ikumi yoona hamu. Nukwo ahonaho naijuka kimu aha birooto byange ebyokutwarwa kwekanisa ebyakara.(27, Okwakatano, 2013) nambere nali ndoosire nindora emyezi 11, eri emu aha buroorwaho, obwabaireho nihagya kubaho okutwarwa kwekanisa omu kirooto ekyakara.)

 

Nukwo kyanyijamu ngu okutwarwa kwekanisa kuli haihi kubaho. Nukwo naterize amaju hansi mumaiso ga RUHANGA,kumusiima aha bwobwesigwa bwe omukumpa ekirooto ekinyakuhikiriire (okutwarwa kwekanisa okuli haihi kubaho). Obunali ninkyatandika kusaba omulingo ogwo ntiize amaju, natandika ahonaho kuhurra ngu ndihaihi kutwarwa. Ahonaho, nimpurra okubaho kwa RUHANGA, nkahimbwa mumwanya nagenda omumwanya aha mbiro ezingi muno. Nkomukirooto kyange ekyokutwarwa kwekanisa ekya, 11, Okwakana, 2013, nali nimpurra omuyaga niguhuuha aha mubiri gwange hamu nahamaiso gange obunali ningenda haiguru. Ekyali nikihuniriza muno aha kirooto kinu kyali ngu obunali nimpuruuka omumwanya; nali ninkyahurra ngu nkyali aha kitabu kyange, nkarundiisi ekirooto kyali kihindukiremu nkokwolekwa. Nalemeraho aha kugenda haiguru omu mwanya kataito, kandi embiro zange zatandika kukendeera. Obunayongiire nayehayo hali amaani agali mu nigansika nigantwara omumwanya, haiguru, embiro zange ezo kutemba haiguru zayongera zatandika kweyongera. Nayongera nayesika, nayeraliikira habwekiirima kingi omumwanya, nahurra Iraka nirigamba "lindaho edakiika" nakingura amaiso gange narora ekiirima, kandi nokutiina kwange, nokulemeraho hamu nokwanga kugenda haiguru, hanyuma ya byoona kwaletereza amaani aga kuntwara haiguru kundeka, kandi naizira kimu aha kitabu kyange aha saaha 02:35am. Aha kaire ako, omutima gwange gukaba nigwiruka kandi nkaswekwa omukubaho kwa RUHANGA okunahuliire muno.

 

1 Yohana 3:2 Abagonzebwa, hati tuli baana ba RUHANGA, kandi tikikatusukulirwe engeri tuliba, baitu tumanyire ngu abwalisuukurwa, tuliba nkawe habwokuba tulimurora engeri Ali.

 

Ebihandiikirwe ebisukuliirwe Susan aha kirooto kinu:

 

Baibuli nebazaho kurungi muno aha kwikara obwomezi bwaitu tutali omu Kugonza kwa RUHANGA kandi tusemeriire kuba omu Kugonza kwa RUHANGA buli kiro nitweherayo kimu hali MUKAMA.

 

Kiro kinu, abantu hoona hoona bamazirwemu amaani aha bwebikurugiiramu mubwomezi bwabo obukiraaba habwokuba nibaraba omu kwangana, kulemwa emirimo, kurwanisa mubyesente, hamu nebindi. Baitu kakusinga tusobora kwetekera kimu mu laini yokuba omukugonza kwa RUHANGA, twakubaire niturolerebwa eriiso lya RUHANGA hamu nomurugendo rwa RUHANGA owa maani goona -RUHANGA owanyakumanyire mumaiso, nukwo tusobora kuba abakwekakasa omu rugendo orutulimu kurubatiramu kandi hatali obutarubata na RUHANGA.

 

Ebihandiikirwe ebisukuliirwe Susan aha kirooto kinu:

 

MUKAMA akansukuruura ahali sitaani nagamba,ngu akasobya obuyahindukire kuruga ahali RUHANGA nagenda aha bihangwa kutunga okwegomba kuruga aha bihangwa kandi yafwokera kimu wemyepanko engeri kiri nikyo omuhama gwekibi kyoona. MUKAMA nagamba ngu busaho nomu asobora