TEKANIRIZA OKUTWARWA KWEKANISA (Ugandan Version) by Susan Davis (reading e books txt) 📖

omuntu weena amuhereza obwomezi bwe, kandi malikwo akahayo ebye byoona, akegarukamu ekibi kye, nasaba okwijuzibwa OMWOYO ARUKWERA Omubwomezi bwe, kandi nokuruga ekiro kinu hamu nokweyongerayo mumaiso kandi akagumizamu buli kiro kurubata naija Hali RUHANGA hati baba Bali omukwemerra oku hikiriire na RUHANGA nobukiraaba ngu baba bakyali begesibwa abato. Abefeso 5:8 Baitu ira mukaba muli muirima baitu hati Bunu muli musana obwa MUKAMA waitu.

 

Baitu harubaju orundi, kakusinga omuntu weena abaire nahondera RUHANGA kumara emyaka 30, nasoma Baibuli kandi akamara akahinduka akamurugaho akagaruka enyuma omu kiirima, baija kuba babuzire nobukiraaba ngu baikaire behaireyo hali RUHANGA. Abaheburaniya 6:6 Tikisoboka okubaga'raho obwakabiri hali okwegarukamu baitu bo benyini bagaruka okubamba ha muti omwana wa RUHANGA.

Omukurisitaayo omuhyaka nobwaraaba naburwamu omu kusoma hamu namagezi, owanyakweheerayo kimu hali KRISTO, atunga okujunwa kuraba omumusaahi gwa KRISTO, afworwa muhyaka kandi abarwa muhikiriire omu maiso ga RUHANGA. Kinu kiri habwokuba owanyakuhindukire omuhyaka akomeremu omukuhikirra obwakomeremu KRISTO nkomujuni wabo hamu nokuba omu Kugonza kwa TAATA hamu nokwijuzibwa MWOYO ARUKWERA buli kiro. Kandi kasta omuntu weena amara kurubata omu KUGONZA kwa ISIITWE, habwokuba akomeremu kuba, OMWOYO ARUKWERA aija kwebembera omuntu ogu hansi ahamuhanda ogufunda habwokuba omuntu hati ogu aikarwaho amaiso ga RUHANGA kandi KRISTO hati nuwe OMUHANDIIKI hamu NANYAKUMALIIRA emaliira yomuntu eyebiro byoona. MUKAMA ASIIMWE-- Ekikoligo kya KRISTO kyanguhire.

Matayo 11:29 Muhimbe ekikoligo kyange, mwegere hali NYOWE baitu ndi munaku nomuculezi omu mutima, nainywe mulizora okuhumura okwomutima Gwanyu.

 

45. BULI KIRO EKYOMARA OTALI MUKUGONZA KWANGE HABWOBWOMEZI BWAWE BULI BWIRE OBUMAZIRWE OMUBUKAMA BWEKIIRIMA...

 

(Ebigambo ebitungirwe Susan kuruga hali MUKAMA waitu, Okwakana 27, 2014)

Susan, muhara WANGE, ninyenda kukuhereza ebigambo ebihyaka. Binu biri bigambo ebikuru.

 

Baana, NINYOWE RUHANGA Wanyu, haroho kusegesebwa nkomusenyi. Ensi erimu kurubata negya omukibi, Byoona birimu kukura nibifwoka ekibi. Bataito bonka bakwatiriire ebigambo BYANGE. Bataito bonka bateka amaiso hali ekyo ekinyine okubaza, abakwenda kurubata NANYOWE buli kiro. Bataito muno bali karabaraba hali OMWOYO WANGE kandi baseera okwijuzibwa kwa MWOYO WANGE. Haroho okwihibwaho amananu, amananu GANGE, Ekigambo KYANGE. Bataito muno bahambya ekyo ekitaine kamogo, ekirukwera kuraba omu bigambo ebikusangwa omu Kitabu Omukitabu KYANGE, ekitabu KYANGE ekirukwera. Abantu tibakwenyumirizamu RUHANGA wabo, omujuni wabo, MUKAMA hamu NOMWEGESA. Ensi erimu kukaba hansi yobulemezi bwekibi kyayo--ekibi kyayo kyonyini. Erimu kwebaganizamu kandi nokweyahukanizamu hansi yobulemezi bwekibi, ekibi ekinyakuli buli hamu. Haroho ekikaro kimu kyonka ekinyakuli kurungi--omungaro zange, okwehayo, okwehayo hali OKUGONZA KWANGE, okwegarukamu buli kaire, hamu nokusera NYOWE nokwikiriza okwomwana muto nomutima ogukuseera RUHANGA nkokunihira KWONKA.... HOKWIKARA HONKA..... OMUBAZI GWONKA... OKUHUMUZIBWA Kwonka hali ensi eyerimu kufwa kandi eijwire enguzi.

Baana, mutekwa kwija mwomiire, murugeyo. Murole RUHANGA wanyu nkokunihira kwanyu kwonka, omuhanda gwanyu gwonka, omuhanda ogufunda ogukutwara omubugabe. Tiharoho omuhanda gundi gwoona. Emihanda endi yoona etwara omukuhwerekerra. Emihanda endi yoona ekozirwe nobutego, ebiina, hamu nebisiika ebitekerweho omunyanzigwa WANGE omumuhanda gwawe okubahwerekereza. Mweheyo hali NYOWE, kandi mukole omuhanda gwanyu ogukubaleta omumuhanda ogufunda. Emihanda endi yoona nemaliira omu gehena kandi omukuhwerekera kwawe. Ebigambo binu biri byoburungi bwanyu, okubebembera, okubatwara omukuba kurungi.

Tiharoho KUNIHIRA omunsi enu eyenyakulimu kufwa oihireho kuba nenkoragana NANYOWE, RUHANGA WANYU Hamu NOMUJUNI Wanyu. Munage ensi, mulekeraho kukwata mungaro zekibi, ekibi ekinyakukwetorora. Mutekwa kuba mweyahukaniizemu. Tiharoro muhanda gundi gwoona.

Mutekwa kwesika kuruga hali ensi. Nyowe nyenka nsobora kubasobozesa kukora kinu. NYOWE nyenka nyine ekimukwetaaga okwesika omukibi okuruga omu kibi ekibasibire kandi ekikubaikaza kibakwatiriire. Kiri habwa MWOYO WANGE wenka kurora ngu nosobora kumaliriza ekyo ekyokwetaaga okusumururwa kuruga hali okusikwa kwekibi hamu nokusikirizibwa kwensi.

 

Muteke obwomezi bwanyu hansi. Muheyo ebyanyu byoona. Mwegarukemu ekibi ekimukukora buli kiro. Gunu nugwo omulingo gwonka. Mubalemu amagezi omuhendo ogunasasuire okujuna obwomezi bwanyu obwekibi, ebintu ebimukozire kurwanisa NYOWE, OMUHANGI wanyu. Ngya kubaikiriza kandi mbahe omutima ogusemezibwe, ebijwaro ebisemezibwe. Mutekwa kuba nimugonza. Kinu inywe inywenka musobora kukyekora. Busaho ondi wena asobora kukibakorra.

Muhindukire RUHANGA wanyu. Ngya kubasemeza, mbasemeze, mbatekemu omwoyo wokutekereza kurungi omuli inywe, OMWOYO WANGE. Aija kubebembera, abatwale omukugonza KWANGE okuhikirire habwobwomezi bwanyu.

Mutakerererwa. Buli kiro ekimukumara mutali omukugonza KWANGE habwobwomezi bwanyu buli bwire obumazirwe omu bukama bwekiirima mutali nomugonzebwa womwoyo wanyu, owakuleeta okuhwerekera omumuhanda gwanyu. Muhingisanize omutima gwanyu ogweibaale nomutima ogwenyama. Hati enu niyo esaaha eyokusumururwa kwanyu kakusinga mwikiriza okuhayo KWANGE. Mutunge okuhayo KWANGE Okwokuswekwa omusaahi gwange habwekibi kyanyu, obwomezi bwanyu obwekibi obukurwanisa RUHANGA wanyu. Tiharoho muhanda gundi gwoona ogwokusimuraho ekibi kyanyu hamu nekibi ekikwija hagati yaitu kandi ekiritwahukaniza ebiro nebiro.

Haroho obwire bugufu muno ensi enu etakagiire omu Kumalirwaho kimu, omungaro zomunyanzigwa. Noija kurugamu Nanyowe obundatunga omugole WANGE rundi nosigara enyuma kurora ebibi kusingayo?

Okujunwa nukwo kuhayo KWANGE. Ija ocungule omwoyo gwawe.

Ndi RUHANGA owasemerire kumanywa, YAHUSHUA

Yohana 12:40 Akabaita amaiso, nabagumya omutima; baleke okurora namaiso, nokwetegereza nomutima, bahinduke, NYOWE mbakize.

2 Abakorinso 4:4 Kandi omuli abo ruhanga owobusinge bunu akaigara amaiso gamagezi gabatarukuikiriza, nukwo omusana ogwenjiri eyekitinisa eya KRISTO nuwe kisisani kya RUHANGA gutabajwera.

Matayo 7:13-14 Mutahe omu irembo erifunzire: baitu irembo ligalihire nomuhanda ogurukugenda omu kuhwerekera mukoto, nabo abagutahamu baingi. Baitu irembo lifunzire nomuhanda ogutaha omu bwomezi muke nabo abaguzora bake.

Abefeso 5:25-27 Abasaija mugonzege bakazi banyu, nka KRISTO nauwe okuyagondeze ekanisa, kandi yayehayo wenka habwayo: nukwo agyeze obuyamazire okugisemeza nagyogesa amaizi omu kigambo, nukwo agyeretere wenka ekanisa eyekitinisa etanyina kamogo, nobugwakuba omugonya, nobukyakuba ekintu kyona ekirukusisana kiti baitu ikalege erukwera etaloho musango.

 

46. EBIKAGUZO BYA HAMU NEBIGARUKWAMU KURUGA HALI RUHANGA- EKICHWEKA KYAKANA

 

(Ebigambo ebitungirwe Susan kuruga hali MUKAMA waitu, Okwakatano 4, 2014)

 

Ekikaguzo kya Susan: Omuntu asobora ata kufuga ekibi ekimufwokire muze?

Ekigarukwamu kya MUKAMA:

Gunu nugwo omulingo ogwa baana BANGE basobora kufuga ekibi kyabo. Nibetaaga kuhayo ebyabo byoona hali NYOWE, hatali ekibi kyabo kyonka baitu omubiri gwabo gwoona, omwoyo, omubiri, obwomezi kandi baikirize OMWOYO WANGE Okubaijuza, okubambukya, okubagaara buhyaka, hamu nokuhindura emitima yabo kuruga omumitima yeibaale kugifwora emitima yenyama. Omuhanda gundi gwoona kurwanisa ekibi guija kubamaramu amaani, kandi ekifubiro kyekibi kuli kufwa oihireho okuganyira KWANGE. Nseera kandi oija kunzoora. Abasaija baingi batungire okuganyirwa hamu nokuhumurwaho kuruga aha kibi ekibakwatiriire kumara obwire bwingi hahwa amaani ga MWOYO WANGE ARUKWERA. Mumpindukire kutunga okuhumurwaho kuruga omu kibi.

 

Abarumi 12:2 Kunu mutasisanizibwa nkobusinge bunu: baitu muhindurwe omu Magezi ganyu amahyaka, nukwo mwero're inywenka RUHANGA ebyagonza okubiri ebirungi, ebisemire, ebihikire.

Tito 3:5 Tibuli obwengeso ezokuhiki'ra ezitwakozire itwe, baitu obwokuganyira kwe obwokwogibwa obwokuzarwa omurundi ogwakabiri, nokufworwa abahyaka Omwoyo ogurukwera.

1 Yohana 5:18 Nitumanya ngu buli omu owanyakuzairwe RUHANGA tasiisa; baitu ogu owanyakuzairwe RUHANGA ayerinda kandi nogu omubi tamukwataho.

Abarumi 8:1-11 Nukwo hati bunu busaho kuchwerwa omusango, hali abo abali omu KRISTO YESU. Baitu ebiragiro ebyo Mwoyo ogwobwomezi omu KRISTO YESU bikandekera omu biragiro ebyekibi nebyokufa. Baitu ebiragiro ekibitarasoboire okukora, baitu bikaba biri bigara obwomubiri, Ruhanga obuyatumire omwanawe wenka omukisisani kyomubiri, ogwekibi, kandi obwekibi akachwera ekibi omusango omu mubiri: nukwo ebyokuhiki'ra ebyebiragiro bihiki're omulitwe, abatarukukuratira omubiri, baitu abakukuratira omwoyo. Baitu abanyakukuratira omubiri, batekereza ebyomubiri.

Ekikaguzo kya Susan: Omuntu asobora ata kuba wa RUHANGA kandi nakyaikara omunsi enu?

Ekigarukwamu kya MUKAMA:

Omulingo gwokwikaramu omunsi hamu nokutaba wensi kiri hali okwega kwebintu--oli kichweka hali ensi, nokomamu ebintu byensi, ekyabantu bagamba ngu kihikire? Rundi olimu kwikara omu bantu omunsi, baitu nimuteka enchwamu zanyu hali ekyo ekya NYOWE RUHANGA nkugamba ngu kihikire? Muine enchwamu zokukora obumuikara omunsi enu. Musobora kukora ebintu omumulingo abantu abanyakubetoroire bakomamu kwomeera rundi musobora kuhambya obwomezi obweheriireyo kimu hali NYOWE, RUHANGA wanyu kandi mukoomera hali engenderwaho ZANGE hamu nebiragiro ebirambikirwe kurungi omu kigambo kyange nibwomerwamu habwokwebemberwa kwa MWOYO ARUKWERA. Enu niyo enyahukana eroho hagati yokwomera omunsi hamu nokuba wensi.

1 Yohana 2:16 Ebyo ebinyakuli omunsi, okwegomba kwomubiri, hamu nokwegomba kwamaiso, hamu nokwepanka kwobwomezi, tibiri bya ISIITWE, baitu byensi.

Zabuli 119:128 Nikyo ntekerereza byona ebyoyegesa ha bigambo byona nti byobulyo: ninoba omuhanda gwona ogwebisuba.

 

Abafilipi 2:15 Nukwo muikale mutaloho ekyokuhanwa, mutanyina itima, abaana ba RUHANGA abatanyina kamogo, hagati omu businge obuhabire oburukwanga, nambere murukuro'rwamu nketabaza omunsi nimukwatira kimu ekigambo kyobwomezi.

Abakolosai 2:8 Mwerinde rundi hataba arukubanyaga omu bifirosofo nebyebisuba ebitarumu, okukuratira ebirukwegesebwa abantu, nokukuratira ebyokubanza byensi okutakuratira KRISTO.

 

 

Ekikaguzo kya Susan: Omuntu asobora ata kwikara omunda OMUKUGONZA KWAWE buli kiro?

Ekigarukwamu kya MUKAMA:

Kinu nikyo ndukwetaaga: okwehayo okwijwire okwobwomeezi bwoona hali OKUGONZA KWANGE OKWIJWIRE, hatali okwehayo okwebichweka. Ebichweka, nikimanyisa obwire obumu rundi obwomuntu ayehuura nasindikwa kukora ekikwisana ekihikire. Okwehayo okwijwire hali Okugonza kwange nukwo okurumwa enjara, kukwatwa iroho ryokurubata kuruga hali Omunyanzigwa WANGE kugya omu mihanda Yange, amananu hamu nokunyetaagira kimu okuijura obwomezi bwawe, ebiteekerezo, omubiri, omwoyo, obwomezi--okwehayo okumaliriire. Mutekwa kumpereza orusa okuirukaniza obwomezi bwawe, engeri nkurora kisemeriire okubatwara hansi omumiganda yokuhikirra, okubatwara omu pulani YANGE eyomumaiso habwobwomezi bwanyu, hamu nokukora naiwe engeri nkurora kisemeriire, noyesiga omu kuburea okwijwire okwemihanda YANGE EYEKWEBEMBERWA MWOYO WANGE.

 

Okwehayo okwebichweka kuija kubatwara omu kugurukyagurukya, kuba nkomusiru, hamu nemaliira ya byoona kurubatira aheeru yokugonza KWANGE. Kunu nuho abaingi barubatira, abanyakuli koya koya, abanyakubuzire. Omuhanda gwange gwokurubatiramu weena, rundi orarubatiramu nakamu. Mukomemu kiro kinu owumukwenda kuhereza.

Matayo 5:6 Banyina omugisa abarumwa enjara nibakwatwa iroho obwokuhiki'ra: baitu abo baliiguta.

 

Okusukururwa 3:16 Nukwo obwokutagata koya koya, kunu torukufuka kandi torukutagata ningenda okukutanaka omu kanwa KANGE.

Yakobo 1:8 Omuntu owemitima ebiri, atarukugumira omu mihandaye yoona.

Yakobo 4:8 Mui're haihi RUHANGA, nauwe alibai'ra haihi. Munabe omungaro zanyu, inywe abasisi, kandi musemeze emitima yanyu, inywe abanyina emitima ebiri.

Yoshua 24:15 Kandi obukiraaba nikisisana okuba kibi okuko'ra MUKAMA mwegomboze hati bunu oumurako'raga; rundi abachwezi baisenkuru inywe ababako'raga nseri Yekyambu, rundi abachwezi babamori abamurukuikara omu nsi yabu; baitu ebyange nebyenju yange turako'raga MUKAMA.

 

Ekikaguzo kya Susan: Omuntu asobora ata kumanya obwaraaba Ali malikwo omwikiriza rundi tali mwikiriza?

Ekigarukwamu kya MUKAMA:

Muhara WANGE, nemizimu eikiriza ngu haroho RUHANGA. Abaana BANGE batekwa malikwo kunseera nemitima yabo yoona. Ninyenda okwekamba okwijwire. Ninyenda okwehayo okwijwire. Ninyenda enkoragana, hatali obwire obwebichweka, enkoragana eyahara--emu eyekwetebwaho obwekuzooka nkekwetaagisibwa omubuzibu rundi omubwire bwokugumirirwa. Baingi abaana BANGE tibamanyire. Nibateekereza ngu bamanyire habwokuramya kwabo okwa dimu na dimu hamu nomuze gwabo ogwokubunga omumakanisa gabu hamu nomubichweka ebyokuramizamu. Kinu tikikukikiira enkoragana. Omusaija ali mwesigwa hali omukaziwe kakusinga aba nabaza na mukaziwe omurundi gumu rundi ebiri buli wiki? Tinkunyumirwa nakamu omunkoragana eyakaire kagufu. Ninyenda kuba haiguru yabandi boona omubwomezi bwawe. Kinu nikyo ndukwenda. Timusemeriire obukama bwange kakusinga muba nimunteeka hansi yabazaire banyu, abakazi banyu, hamu nabaana. Ekigambo KYANGE tikikugamba kinu? Bwangu ninyizira ekanisa eyenyakweheriireyokimu eyekambire hali NYOWE. Abandi boona baija kuba basigirwe enyuma. Binu nibyo ebiragiro byange, binu nibyo ndukwetaaga okurora nimutaaha omu BUKAMA BWANGE.

 

Luka 9:62 Baitu YESU yamugambira ati busaho muntu obwata omukonogwe ha kyoma ekirima, narora enyuma, asemeriire obukama bwa RUHANGA.

Luka 14:26 Omuntu wena obwaija namberendi, atarukunoba Ise wenka, na nyina, namukaziwe nabanabe, na bene babu na banyanya, nukwo nobwomezi bwe wenka, tasobora okuba mwegeswa WANGE.

 

 

Abahondezi ba KRISTO abakugonzebwa:

Harabireho akaire tataitoho kwiha ebaruha etwarwa, baitu tikulingu tiharoho ekintu kyona ekikugenda mumaiso....

 

Nahabwekyo ningonza kubamanyisa hali ebibaireho hanyumaho obwire bwenyumaho. Mbandize kwemereza buli kimu kumara wiki emu nukwo nsobole kweteka aha kusoma hamu nokwongeramu kuhandiika ekitabu ekihyaka ekya Othusitse Mmusi. "Okusukururwa kwe Iguru hamu na gehena". Othusitse ali musaija muto kuruga Botswana kandi musoboraho nka Isaya omuto, habwokuba ebintu ebya MUKAMA alimu kumusukurra hali gehena, iguru, hamu nokwija kwa MUKAMA okwabwangu malikwo byembaganiza.

 

Nkaija nta kumanya Othusitse Mmusi hamu nokwija kuyamba nomulimo gwekitabu kye kandi kunu ninyikara Indiana kandiwe naikara Botswana? Kurungi kyona nikisobora kusoborwa habwokuba itwena nitukolera Boss omu: OMWOYO ARUKWERA.

 

Nimpanuura ngu mutwale obwire musome ekitabu kya Othusitse