TEKANIRIZA OKUTWARWA KWEKANISA (Ugandan Version) by Susan Davis (reading e books txt) 📖

56. OMUTIMA GWAWE NIGWETAAGA KUBA NIGUTEERERA NYOWE

 

(Ebigambo ebitungirwe Susan kuruga hali MUKAMA Waitu, Okwamusanju 21, 2014)

Leka nkuhereze ebaruha empyaka:

 

Baana, ndimu kwija! Kunu nukwo okweraga KWANGE. Gunu mugisa gwawe kakusinga oraaba olimu kurora-- obworaaba otunuliire. Ndimu kwija aha bicu. Ningya kuba ninvuga embaraasi eyerukwera.

 

Nimwetaga kuba nimurora. Omutima gwanyu nigwetaaga kuba niguterera NYOWE. Kakusinga mutarora--muija kunfwerwa omu KITIINISA KYANGE kyoona--omu kugaruka KWANGE okwekitinisa kutwara ekanisa YANGE eyinkugya kwihamu omukitinisa ekyamani--omu kukoimya kweriiso!

 

Kirimu kwija! NDIMU KWIJA! Mutafwerwa omukoro gunu: Omukoro Ogukusingayo---Obugenyi Bwo'mwana GWENTAAMA hali omugolewe owekitiinisa: ekanisa--okwegaita okweka ya RUHANGA Hali OMUHANGI wayo. Omukoro gunu tigukwija kugarukwamu. Guli mukoro ogwomurundi gumu. Kakusinga ogufwerwa--tokwija kwongera okuba nakagisa akandi okuba omu hali okujaguza kwe okwekitinisa-- obugenyi bunu obwobuswezi!

 

Mutazanisa esaaha eyimulimu kwikaramu kandi mukagitekereza kuba nketaina makuru. Obutafwayo bwanyu hamu nobutasikirizibwa buija kubasiga omu bufuki: kutunurra omurwanisa WANGE omu kubonabona rundi "okuhwerekerra okwabwangu". Mutajuma okurabura KWANGE. Ebigambo binu bikuru. Bikaba bikuru kara kandi bikyali bikuru nahati.

 

Obwire bwanyu bulimu kubairukaho kukora okweraga kwanyu hali RUHANGA wanyu kukomamu kuba omu hali obugenyi obukuru obwobuswezi. Engonzi Zange zogu omugonzebwa omugole--abandi boona baija kusigwa kurora okuhwerekerra. Enu niyo esaaha yanyu eyokuchwamu. Murakomamu RUHANGA rundi omunyanzigwa wa RUHANGA? Iwe wenka osobora kuchwamu okwija NANYOWE. Mwogye egandurra zanyu kandi mutekanize.

 

Onu nuwe OMUGOLE OMUSAIJA owabakomerwemu

 

Ebyahandikirwe ebikugenderaho:

Okusukururwa 19:11-15 Kandi nkarora Iguru likingwire, kandi Dora embarasi eyekwera; kandi nogwo ayali agiikaliireho akaba nayetwa MWESIGWA kandi AHIKIRE, kandi nomukuhikirra, achwa omusango kandi akora orutaro. Amaiso ge gaali nkomu'rro kandi nahamutwegwe, har'oho ekondo nyingi; kandi akaba aine eibara limuhandikirweho, eryomuntu ondi wena atakumanya, baitu huwe wenka. Kandi akaba ajwaire ekijwaro ekibikirwe omumusaahi: kandi neibara lye nibalyeta EKIGAMBO KYA RUHANGA.

Marako 13:34-37 Nkomuntu ayasigire enjuye, narara omunsi endi,amazire kuragira abairube rubaale, nokubaha emirimu yabu omu omu, naragira omukumirizi okurora. Nukwo murolege inywe: baitu timumanyire nyineka nambere aliizira, rundi obwire obwizire, rundi itumbi, rundi omunkoko, rundi nyenkya. Obwalija bwango aleke okubasanga mugwijagiire. Kandi ekindukubagambira inywe nikyo mbagambira boona nti, Murolege.

Okusukururwa 16:15 Dora, ninyija nkomusuma. Aina omugisa ogu owarora, kandi akalinda ebijwaro bye, kitalyekyo arubate Ali busa, kandi aswale.

 

1 Abasesalonika 5:3 Obubagamba ngu MIREMBE, busaho kabi, nubwo okuhwerekereza okwa bwangu kubaizira, nkokurumwa okukwizira anyakulinenda.

Matayo 22:14 Baitu abaingi abetwa, kandi abakomwamu bake.

 

57. NDI RUHANGA OWANYAKULI OMUNGONZI NABAANA BE

 

 

(Ebigambo ebitungirwe Susan kuruga hali MUKAMA waitu, Okwamusanju 22, 2014)

Abaana BANGE abagonzebwa:

Onu ni MUKAMA wanyu. Ndi RUHANGA owanyakuli omungonzi nabaana be. Ningonza abaana Bange muno, ninyenda munyorobere--kuhondera emihanda YANGE--okwehayo hali NYOWE--okwehayo hali OKUGONZA KWANGE oihireho okugonza kwawe. Mutekwa kunyesiga omuli kinu... Kinu nkimanyire kurungi... ekyo NINGYA KUBEBEMBERA mbatwale omu kumalirra okurungi... ngu pulani ZANGE nizikira muno pulani ezanyu: pulani zanyu ezikolirwe omumwirima.

 

Timusobora kurora hara muno omumaiso omulingo MUKAMA RUHANGA wanyu, OMUHANGI wanyu asobora. Nimanya byoona, NINDORA BYOONA. Mutekwa kwija mukamanya...okunyesiga...okuhayo byoona hali NYOWE--buli kachweka koona akamuli otwaliraniizemu na pulani zanyu ezomumaiso.

 

Mulengeho nobukiraaba nimusobora kulengaho, ebyo kupulaninga byanyu byoona tibisobora kuletereza pulani zanyu ezomumaiso kuhikirra. Habwaki kutasobora kurora kinu? Kiri kibi kutekereza kundi. Gunu nugwo omulingo gwabakafiiri bakoramu, abanyamahanga, okurabyamu RUHANGA amaiso hamu nokwekorra pulani ntazirimu NYOWE--OWAMAANI GOONA--RUHANGA OWAKURORA BYOONA. Ndi RUHANGA owo'bwire bwomumaiso. Ekyokuteeka omutima gwawe, omwoyo gwawe, entekereza yawe, hamu namaani gawe omu pulani zawe wenka ekyo kyobusiru. Kiri kibi ekifwire amaiso ekikupulanigwa munsita kurwanisa OKUGONZA kwa RUHANGA--kurwanisa OBUKAMA bwa RUHANGA. Mugeze mugumizemu nokuhambya kunu okwabusa, muija kuba nomusaahi aha ngaro zanyu--omusaahi ogwabo abanakujunire kuraba muli inywe, kakusinga muha murubatiire omu KUGONZA KWANGE Okurungi--OKUKURORA BYOONA--OKUKUMANYA BYOONA--okugonza okwobwomezi bwawe hamu nokugonza kwabandi abankusobora kuhikaho kuraba omu bwoomezi bwawe.

 

Kurubatira omu Kugonza kwawe oihireho Okugonza KWANGE habwobwomezi bwawe kiri kibi kandi myepanko. Muli bomunyanzigwa sitani kandi nekirungi ekimukutekereza ngu nimumaliriza tikiri kirungi KYANGE. Kali kakodyo kubaletereza kutekereza ngu muhikiriire mumaiso GANGE. Ekirungi ekimukupulaninga habwanyu mutali Nanyowe kiija kwokebwa omukumaliira kandi tikikwija kuhebwa NYOWE empeera rundi nokwijujwa. Musale amagezi kurora anti mweheriireyo kimu hali OKUGONZA KWANGE.

Mutekwa kuhayo ebyanyu byoona hali NYOWE--mwegarukemu kandi muheyo omutima gwanyu, omwoyo, hamu na pulani Zanyu hali RUHANGA kandi OMWEBEMBEZI Wanyu. NINYOWE. Tihaliyo ondi wena. Mwije mumaiso GANGE kandi mutereze ebintu hagati yaitu ensi etakeherireyo kimu mukuhindukira ekibi kandi ntakaihiremu abahondezi BANGE abahikire: Omugole WANGE.

Mulimu kukorra aha kaire aketirizibwe oihireho okugonza KWANGE. Murubate omu KUGONZA kwange--nikyo ekiikaro kyonka ekirungi ekyokubamu.

 

Okurabura kunu nikuruga haiguru nikuherezebwa inywe kuli nengonzi kuruga hali OMUHANGI wanyu.

 

KRISTO MUKAMA

Ebyahandikirwe Ebikugenderaho:

1 Petero 4:17 Baitu akasumi kahikire omusango okubandiza ha nju ya RUHANGA kandi obugulibandiza halitwe, empero yabu abatarukworobera enjiri ya RUHANGA.

Yakobo 4:7-8 Nukwo mucule're RUHANGA, baitu murwane na setani kandi alibairuka. Mu'ire haihi RUHANGA, nauwe alibai'ra haihi. Munabe omungaro zanyu inywe abasisi, kandi musemeze emitima yanyu inywe abanyina emitima ebiri.

 

Yakobo 4:13-14 Nukwo nainywe abanyakugamba ngu hati, rundi ijo tuligenda ha rubuga runu, tulimarayo omwaka gumu tulisubura tulisagisa ensagi: baitu timurukumanya ekiribaho ijo. Obwomezi bwanyu kiki? Baitu muli kiho ekinyakurorwa akacu kake nikihwaho.

Matayo 7:21 Omuntu wena anyakungambira ati "MUKAMA WANGE, MUKAMA WANGE”, tali ogu alitaha omubukama obwomu iguru; Baitu ogu anyakukora ebya Isenyowe ali omu iguru ebyagonza.

 

58. GUNU GULI MULEMBE OGUBUZIRE-- NIGUHAMBYA EBINTU BINDI BYOONA HATALI RUHANGA WAYO

 

(Ebigambo ebitungirwe Susan kuruga hali MUKAMA Waitu, Okwamwenda 6, 2014)

Muhara WANGE, Leka tutandike:

 

Baana, onu nuwe MUKAMA Wanyu akubaza--Ndimu kwija kutwara Omugole WANGE kumwiha omunsi enu eyekibi--nangonza haiguru yebindi byoona. Aine entekereza enungi kandi amanyire omuhanda ogumuteriireho kurubatiraho--omuhanda ogufunda oguterekeriire. Bataito muno nibenda kusanga omuhanda gunu. Abanyakubuzire bali aha muhanda ogugazihire ogukutwara omukufwerwa okwamaani--okufwa okutahwaho--gehena hamu nokubonabona.

 

NINYOWE bwomezi baana--hataroho NYOWE--tiharoho bwoomezi. Ensi eseera ebigarukwamu etali NANYOWE--baitu ninyowe KIGARUKWAMU hali okurwara kwoona hamu nebibi byensi enu. Bataito muno baseera ebigarukwamu ebihikire--ebigarukwamu ebinyetekanize muno nokukiraho kuhereza abo abanyakunkomamu kandi bakanseera nomutima gwabo gwona hamu nomwoyo. Onu nuwe omugole. Alimu kurora, kulindiira, naseera hamu nokusanga RUHANGA we.

 

Tinyesereka hali abo abanyakunseera nekihika kyamaani muno. Nseera abo abakwetaaga kumanya--abakwenda mananukwo kumanya Omuhangi wabo. Bataito bafwayo kunyekaguzaho hali kiki ekindi hamu nekiki ekindoho hamu na kiki ekikikumanyisa halibo. Bataito bafwayo kurubatira aha muhanda gunu ogwokunseera buli kiro--kusoma ekigambo KYANGE, kubaza NANYOWE hamu nokunyimukya omumitima yabu. Mbeeraki eyenaku--habwebihangwa byange okunyanga hamu nokwiruka omukubaho KWANGE.

 

Gunu guli mulembe ogubuzire--niguhambya ebintu biindi byoona gutali na RUHANGA wagwo. Omulembe gunu gulimu kufwa. Bataahire kimu omukibi--bakijwara ahabifuba byabo nkekijwaro. Balimu kusirimuka bwango nibagwa hansi omubiina byobwemi. Abakukira obwingi tibarukurora ensobi yokuba omumihanda yabo: bagenzire hara muno, hara muno omukibi kyabo butayanguha kumanyi'ra omulingo engeri babihire. Haroho okunihira kutaito muno hali omulembe gunu ogunyakubuzire. Baingi muno baija kurubatira omumuhanda ogugazi ogukugya omu'gehena kandi beteke omurukarra rumu no'munyanzigwa WANGE. Omunyanzigwa huwe asemeriirwe muno kubasika akabateka hansi. Kunu nukwo okusemererwa kwe.

Baana, mukakorwa okuhimbaga ekyererezi KYANGE. Mwije mwijuze etaara zanyu mutakabaire kukerererwa. Mwije munyesengereze kubaha etabaza enyakwijwire amafuta. Mutalinda muno.Okwijuza etabaza zanyu ahakaire kokwija KWANGE oija kuba okereriirwe. Tinkwija kukumanyiira--nobukyakuba etabaza eyamafuta gebichweka tekwija kumara.

Mumanyire kiki ekyetabaza enyakwijwire amafuta ekyekumanyisa? Nukwo okwehayo okwijwire--omutima ogutainemu kantu ogukucura nigwenda okwijuzibwa na MWOYO WANGE--okwefwereza wenka. Oyetekanize okutahyamu OMWOYO WANGE kandi akafuga byoona, okunfwora MUKAMA kandi MWEGESA hali obwomezi bwawe. Okulengaho kwawe okwokwenda okwokubuzabuza okwokwenda kunta mubwomezi bwawe tikukwija kwijuza etabaza yawe. Okwijuzibwa okwebichweka tikukwija kumulikira omuhanda gwawe--ebikokwa aha maiso gawe biija kuita okurora kwawe kandi bikwikaze omumwirima. Mwija kugumizamu kumatalira omumwirima mukwatiire hali enyegesa ezindi ezitaina magoba ezikwija kukuhabya. Kinu nikyo kibaho obwoiruka wenka otali NANYOWE--ohabisibwa kandi kakusinga otahindura orugendo rwawe okagaruka aha muhanda ogufunda niguyambibwaho etabaza enyakwijwire amafuta oija kubura ebiro byoona ahamuhanda ogugazi ogukutwara omu kuhwerekerra.

 

Mutekwa malikwo kwetaaga empinduka enu eyomuhanda habwobwomezi bwanyu. Kitekwa Kuba okuyayana kwomutima gwawe. Mutekwa mananukwo kukyetaaga. Mutalinda muno--baingi baija kuba nempinduka enu eyomumutima hanyuma yomugole okwihwamu. Nukwo okuyayana kunu kwija kuba kwamaani muno,baitu oija kuba okererirwe okutoroka omunyanzigwa owasigara enyuma kubonabonesa ekanisa enyakusigaire enyuma. Mumpindukire hati--mutoroke enaku eyamaani, enaku eyensi enyakubuliire kimu etaine RUHANGA wayo. Ekyo nikyo ekirimu kwija.

 

Ndindiriire kubatangiira omubukama. Baitu tinsobora kulindiira ebiro byoona.

Onu nuwe OMUJUNI wensi: Owamaani okujuna.

Ebyahandikirwe ebikugenderaho:

Matayo 7:14 Baitu irembo lifunzire, nomuhanda ogutaha omu bwomezi muke, nabo abaguzora bake.

Matayo 25:8-12 Abadomadoma bagambira abamagezi ngu mutuhe aha magita ganyu; baitu etabaza zaitu zazima. Baitu abamagezi bagarukamu, nibagamba ngu rundi tigatumale, itwena nainywe: hakire mugende hali abarukuguza mwe'gure. Nabo obubakaba bagenzire okugura,omuswezi yaija nabo abakaba betekanize bahingura nauwe omu bugenyi obwomugole: orwigi rwakingwaho. 12 Hanyuma hakaija nabo abaisiki abandi nibagamba ngu, MUKAMA waitu MUKAMA waitu, otukingureho. Baitu yagarukamu nagamba ati, mananukwo nimbagambira nti, tindukubamanya.

Matayo 7:13 Mutahe omu irembo erifunzire: baitu irembo ligalihire nomuhanda ogurukugenda omu kuhwerekerra mukoto, nabo abagutahamu baingi.

Engeso zabakwenda 9:17-18 Ananiya yagenda yataha omunju; kandi obuyamutaireho emikono, yagamba ati Mwene waitu Saulo, MUKAMA waitu nuwe YESU ayakubonekire omu muhanda ogwoturukiremu antumire oiguke, oijule OMWOYO OGURUKWERA. Ahonaho byaragara okuruga hamaisoge nkebikoko yaiguka,yayemera yabatizibwa.

Zabuli 81:12 Nikyo nabalekiire okukuratira okugumangana kwomutima, gwabu bagende omu magezi gabu bonka.

 

59. OBURUKWERA NEKITINISA KYEIBARA LYA RUHANGA

 

Ekihandiiko kya Donna McDonald ekiyasomiire aha rusororokano rwa MUKAMA orwobwire bwokusembayo, Okwamunana 16, 2014, Indianapolis, IN-- OBURUKWERA NEKITINISA KWEIBARA LYA RUHANGA (kandi era ohondere nokugumibwa okuherezibwe Susan Davis habwebigambo binu):

Nkasoma Baibuli YANGE kyasande nyekyakara, Okwamunana 3, 2014, haiguru mukalina engeri nikyo ekintu ekinsooka kukora obumara kwimuka. Obunamazire nasirimuka hansi kandi nomutwe gwange guswekerwe kandi ntiize amaju, nkasaba kandi nagambira MUKAMA, "Omanyire omutima gwange kandi omanyire obuceke bwange kandi omanyire ebyetaago byabantu. Boojo caali mpereza obutumwa bwabo.” Kandi nomundimi ezintasobora kwahukanizamu, hamu nokuganja okwamaani, MWOYO ARUKWERA akebembera kandi yasaba esaara eyamaani muno kandi eyenyahukana muno habwanyu kumara obwire. Akaba ali Wembaganiza. Nkaba taineho nakamu akankumanya hali ekyo ekyakaba nagenda okubaza. Mpuura nsemeriirwe muno kuhuliriza kiki ekya MWOYO ARUKWERA akugenda kumpereza okubaza obungenda aha rusororokano. Akira muno kubaza ebintu ebisemiire muno kandi ebikuhuniriza kandi ebikugonza muno. Ekyalimu kugamba hanu kikuru muno kandi nkaba mukuhuniira obunahuliire nabaza. Hanu mbinu ebigambo bya MUKAMA ebyalimu kubabaliza, inywena hatali abanyakuli aha rusororokano bonka, okuhondera