അക്ഷരം മാസിക- May 2017 by Aksharam Magazine Admin (i like reading books .txt) 📖

അസ്തമയം-കവിത

 Krishnakumar Mapranam

 

അക്ഷരം മാസിക April 2017
https://www.bookrix.com/book.html?bookID=zle3ff22b012f75_1491387984.4455320835#0,558,40922
Press above Link to read free..or visit 

 Digital Book World https://www.facebook.com/digitalbooksworld

 

കാവ്യ വഴിത്താര-കവിതാ സമാഹാരം

 

മനോഹരമായ ഒരു പുതിയ കവിതാസമാഹാരം.... താഴെ കൊടുത്തിരിക്കുന്ന ലി൯ക് തുറന്ന്    വായിക്കുക.... ഡിജിറ്റലായി പുസ്തകം പോലെ വായിക്കാം.

http://www.gtlot.com/music/81602/

 

Book also available now in our digital library:- https://www.facebook.com/digitalbooksworld

സ്വപ്നം-കവിത

 ഒരു സ്വപ്നദൂരത്തിൽനിന്നെയളക്കുന്നുഒരു മൗനവേഗത്തിൽഞാനൊളിക്കുന്നുഉച്ചനേരങ്ങളിൽ വെയിലിനെ പ്രണയിക്കുന്നുസന്ധ്യകളിൽ നീ തന്ന ചുംബനചോപ്പിനേയും.മഹേഷ് സനൽ

 

 

അക്ഷരം മാസിക ഡിജിററല്‍ ഗ്രന്ഥശാല

ഡിജിററല്‍ സാങ്കേതിക വിദ്യ ഉപയോഗിച്ച് ഒരു ടച്ചിലൂടെ വായന സാധ്യമാക്കികൊണ്ട് ഡിജിറ്റലായി തയ്യാറാക്കിയ കവിതാ സമാഹാരം,മലയാളം മാസിക വായിച്ചറിയുക

തുറന്ന് വായിക്കുവാ൯ താഴോട്ട്... വെബ് അഡ്രസ്സ് പ്രസ്സ് ചെയ്യുക..FREE TO READ BOOKS,MAGAZINES ETC. Visit and like for regular reading.First time in FB.

https://www.facebook.com/digitalbooksworld

 

 

മിഴികളിലൂടെ-കവിതാസമാഹാരം

ഡിജിറ്റലായി കവിതാ സമാഹാരം  Press to read free:- http://www.gtlot.com/music/81389/  

 

ആഗോളമാന്ദ്യം-ലേഖനം

 ആഗോളമാന്ദ്യം വല്ലാതെ മുറുകെ പിടിച്ചിരിക്കുന്നത്‌ ശരിയ്ക്കും പ്രവാസ ജീവനുകളെയാണ്‌, അനുവാദം ചോദിക്കാതെ കടന്നു വരുന്ന മരണം പോലെ ഓരോ പുലര്‍ച്ചയിലും ഓഫിസില്‍ എത്തി മേശമേല്‍ കാത്തിരിക്കുന്ന പിരിച്ച്‌ വിടല്‍ നോട്ടിസുമായി പടിയിറങ്ങിയ ഓരോ സഹോദരണ്റ്റെയും മനസ്സിനെ ചുറ്റിപിടിച്ചിരിക്കുന്ന നോവാണിത്‌, തീര്‍ച്ചയായും ഒരു മടങ്ങിപ്പോക്കിണ്റ്റെ പെട്ടി ഒരുക്കലിലാണ്‌ നാം, ഇല്ലാ കാരണങ്ങള്‍ കണ്ടെത്തി പിരിച്ചയക്കുമ്പോള്‍ ആ ഹൃദയത്തില്‍ മൌനജഢമായി പോകുന്ന ഒരു പാട്‌ ഒരു പാട്‌ സ്വപ്നങ്ങളുണ്ട്‌, അത്‌ കടത്തിണ്റ്റെയും, കെട്ടുതാലിയുടെയും,കണ്ണിരിണ്റ്റെയും ഉറവവറ്റാത്ത നേര്‍കാഴ്ചയാണ്‌,പേടിപ്പെടുത്തുന്ന-ദുസ്വപ്നമാണ്‌..Vinod Pillai Attingal

രണ്ടാമൂഴം-അവലോകനം

നിലവിൽ മലയാളസിനിമ മാത്രമല്ല ഇന്ത്യൻ സിനിമാലോകം വരെ ഞെട്ടിയിരിക്കുകയാണ് രണ്ടാമൂഴത്തിന്റെ പ്രഖ്യാപനത്തിനൊപ്പം. 1000 കോടി എന്ന വലിയൊരു ബഡ്ജറ്റ്, അതിന്റെ ലാഭക്കണക്കുകൾ എന്ന് വേണ്ട മോഹൻലാലിന് സിക്സ് പാക്ക് ഇല്ല എന്നുവരെയായി ചർച്ചകൾ. ഇപ്പൊ ഏതോ പുതിയ കുരുപ്പ് ലാലിനെ ഛോട്ടാ ഭീമിനോട് വരെ ഉപമിച്ചു കണ്ടു. പ്രത്യക്ഷത്തിൽ ഒരു അവഹേളനം തോന്നുമെങ്കിലും പിന്നീടാലോചിച്ചാൽ ഒന്ന് ചിരിക്കാൻ തോന്നുന്ന ഒരുപമ കൂടിയാണത്. അതെന്തുമാവട്ടെ, ഇപ്പൊ ഈ ചർച്ചകൾ ഉരുത്തിരിഞ്ഞു വരുന്നതിൽ 99% ആളുകളും രണ്ടാമൂഴം വായിച്ചിട്ടുണ്ടോ എന്ന് തന്നെ സംശയമാണ്.

എന്താണ് രണ്ടാമൂഴം ?, ദൈവിക തുല്യമായ ഒരു ഇതിഹാസകൃതിയിൽ നിന്നും ഭീമന്റെ കണ്ണിലൂടെ.കാണുന്ന പാണ്ഡവ - കൗരവ കഥയുടെ മനുഷ്യപക്ഷ കാഴ്ചയാണ് രണ്ടാമൂഴം. മഹാഭാരത കഥയിൽ കാണുന്ന ദൈവവിഗ്രഹങ്ങളോ ആദർശശുദ്ധിയോ ഒന്നും ഇവിടെ കാണാനുമില്ല. ഉദാഹരണത്തിന്, ഭഗവൻ കൃഷ്ണൻ ഇവിടെ വെറുമൊരു യാദവരാജാവ് മാത്രമാണ്. പാഞ്ചാലി വസ്ത്രാക്ഷേപത്തിൽ തുടരെ സാരികൾ നൽകി മാനം രക്ഷിച്ച കൃഷ്ണനെ ഇതിൽ കാണാനില്ല. വസ്ത്രാക്ഷേപം കഴിഞ്ഞു ദ്രൗപതിയെ ആശ്വസിപ്പിക്കുന്ന, താൻ ഉണ്ടായിരുന്നെങ്കിൽ യുധിഷ്ഠിരനെ ചൂത് കളിയ്ക്കാൻ അനുവദിക്കില്ലാരുന്നു എന്ന് പറയുന്ന ഒരു കൃഷ്ണൻ ഉണ്ട്. യുദ്ധത്തിൽ ഭീമപുത്രൻ ഘടോൽക്കചൻ മരിച്ചു കഴിയുമ്പോൾ അവൻ മരിച്ചത് നന്നായി അല്ലെങ്കിൽ ആ കാട്ടാളനെ ഞാൻ കൊന്നേനെ എന്ന് പറയുന്ന കൃഷ്ണനും ഇതിലുണ്ട്. എന്തിനേറെപറയുന്നു, ഒരു ഘട്ടത്തിൽ ദ്രൗപതി പോലും കൃഷ്ണനെ വിശ്വസിക്കരുതെന്നു ഭീമനോട് പറയുന്നുണ്ട്.

ഇത്തരത്തിൽ വിശ്വാസങ്ങളെ ആകപ്പാടെ പൊളിച്ചെഴുത്തുന്ന രണ്ടാമൂഴത്തിൽ യുധിഷ്ടരനു നേർക്ക് കഴുത്തറക്കാൻ പാഞ്ഞടുക്കുന്ന അർജുനൻ ഉണ്ട്, തന്നെക്കാൾ വലുതാവാൻ ആരെയും അനുവദിക്കാത്ത അസൂയലുവായ അർജുനനും ഉണ്ട്. ഭീരുവും പലപ്പോഴും വിഡ്ഢിയുമാവുന്ന യുധിഷ്ഠരനുമുണ്ട്. ശകുനിയെക്കാൾ ക്രൂരനായ ദ്രോണാചാര്യർ ഉണ്ട്. കുന്തിയും ദ്രൗപതിയുമടക്കം കുടിലബുദ്ധിയുള്ള സാധാരണ സ്ത്രീകൾ ആയി മാറ്റി പ്രതിഷ്ഠിക്കപ്പെട്ട രണ്ടാമൂഴത്തിൽ പ്രകീര്തിക്കപ്പെട്ട രാജാവിനെക്കാളും സ്തുതി പാടുന്ന അര്ജുനനേക്കാളും യുദ്ധം വിജയിച്ച മഹാനായ ഭീമൻ ഉണ്ട്. കാട്ടാളനു പിറന്ന കാരണത്താൽ അവസാന നിമിഷം രാജ്യഭരണം നഷ്ടപ്പെടുത്തിയ അമ്മയുടെയും രാജപത്നി ആവാൻ ഭീമനെ തള്ളിക്കളഞ്ഞ ദ്രൗപതിയുമുണ്ട്. എതിരാളികളിൽ സൂതപുത്രൻ എന്ന പേരിൽ അവമത്തിക്കപ്പെട്ട കർണൻ, തോല്വിയറിയാത്ത ഈ കർണൻ പല പ്രാവശ്യം തോറ്റുപോയ കഥയുമുണ്ട്. എങ്കിലും ഒരു വീരന്റെ പരിവേഷം രണ്ടാമൂഴം കർണനും ചാർത്തി നൽകുന്നുണ്ട്.

ഇങ്ങനെ പാടിപ്പതിഞ്ഞ കഥകളുടെ പൊളിച്ചെഴുത്തിനെ വിശ്വാസസംഹിത ഉയർത്തിപ്പിടിക്കുന്ന ഭാരതജനത എങ്ങനെ സ്വീകരിക്കും എന്ന സംശയവും ഉണ്ട്. ഭീമന്റെ കണ്ണിലൂടെ കാണുന്ന കഥയിൽ മോഹൻലാലിനെ ഭീമൻ ആയി സങ്കൽപ്പിക്കാൻ ആവുന്നില്ല, അദ്ദേഹത്തിന് സിക്സ് പാക്ക് ഇല്ല എന്ന് പറയുന്നവർ രണ്ടാമൂഴം വായിച്ചിട്ടില്ല എന്ന് ഞാൻ നിസംശയം പറയുന്നു. കാരണം, ഭീമന്റെ വേഗതക്കു മുൻപിൽ പതറിയ കർണൻ തോൽവി മണക്കുമ്പോൾ, ഭീമൻ കർണ്ണനെ കൊല്ലാനായുമ്പോളാണ്‌ വിശോകൻ കർണ്ണനെ കൊല്ലരുത് അത് നിന്റെ ചേട്ടനാണ് എന്നറിയിക്കുന്നത്. ആ വാർത്തയിൽ തളർന്നു പോകുന്ന ഭീമൻ തോറ്റു എന്ന് കരുതുന്ന കർണൻ പറയുന്നതിങ്ങനെ "വൃകോദര, പെരുവയറാ, യുദ്ധം നിനക്ക് പറഞ്ഞിട്ടുള്ളതല്ല, അവന്റെയൊരു പെരുവയറും ഊശാൻ താടിയും" ഇതിൽ എവിടെയാണ് സുഹൃത്തുക്കളെ ഭീമന് സിക്സ് പാക്ക്. മറ്റൊരു സന്ദർഭം പരിശോധിക്കാം, യുദ്ധം തുടങ്ങുന്നതിനു മുൻപായി ഭീമന്റെ രൂപത്തിൽ കൈകാലുകൾ ചലിക്കുന്ന ഒരു യന്ത്രം ഉണ്ടാക്കി അതിനെ എതിരിടുന്ന ദുര്യോധനൻ. യുദ്തവസാനം ഹസ്തിനപുരിയിൽ എത്തുന്ന ഭീമസേനൻ കാണുന്നത് വലിയ വയറും തലയുമുള്ള തന്റെ യന്ത്രരൂപമാണ്. ഇതിലും എവിടെയാണ് സുഹൃത്തുക്കളെ സിക്സ് പാക്ക്.

ശരീരം കൊണ്ടും അഭിനയം കൊണ്ടും ഭീമനെ അടയാളപ്പെടുത്താൻ ഏറ്റവും മികച്ച ചോയ്സ് തന്നെയാണ് ശ്രീ മോഹൻലാൽ. മഹാഭാരതകഥയിൽ ഇത്ര വലിയ പൊളിച്ചെഴുത്ത് നടത്തിയ MT എന്ന മഹാനായ എഴുത്തുകാരൻ ഒന്നും കാണാതെയാണോ തന്റെ ഭീമനെ മോഹൻലാൽ അവതരിപ്പിക്കണം എന്ന് തീരുമാനിച്ചത്. ഘടോൽക്കച്ചനും അഭിമന്യുവും നഷ്ടപ്പെടുമ്പോഴും കർണൻ സഹോദരൻ എന്നറിയുമ്പോഴും അരക്കില്ലം തീ പിടിക്കുമ്പോൾ പുരോചനനെ കൊല്ലാൻ തിരിച്ചു കയറുമ്പോഴും ഋഷി സദസ്സിൽ ആദ്യമായി മകൻ ഘടോൽക്കച്ചനെ കാണുമ്പോഴും മാനസിക സങ്കർഷം ഉച്ചസ്ഥായിയിൽ എത്തുന്ന ഭീമനെ അവതരിപ്പിക്കാൻ മറ്റൊരു ചോയ്സ് ചിന്തിക്കേണ്ടതില്ല. അഭിനയജീവിതത്തിലെ തന്നെ ഏറ്റവും വലിയ കഥാപാത്രം അവതരിപ്പിക്കാൻ മോഹൻലാൽ എന്തുമാത്രം തയാറെടുപ്പ് നടത്തും എന്നത് ചിന്തിക്കാവുന്നതെ ഉള്ളു. ഒരുപക്ഷെ അതിനുശേഷം അഭിനയം നിർത്താനും അദ്ദേഹം തയ്യാറായേക്കും, ഈ അഭിനയജീവിതത്തിൽ ഭീമസേനനേക്കാൾ വലിയൊരു വേഷം ചെയ്യാൻ ബാക്കിയില്ലല്ലോ അദ്ദേഹത്തിന്.

ഇനിയാണ് വലിയ തുക മുതൽമുടക്ക്. ഒന്നാമത് ഇത് രണ്ടു ഭാഗങ്ങൾ ആയിട്ടാണ് റിലീസ് ആവുന്നത്. രണ്ടു സിനിമ എന്ന് തന്നെ കരുതുക. കൗരവരും പാണ്ഡവരും ഉൾപ്പെടെ 105 പേര് പിന്നെ ദ്രോണർ, ഭീഷ്മർ, വിദുരർ, അഭിമന്യു, ജയദ്രഥൻ, കുന്തി, ദ്രൗപതി, ബലന്ധര തുടങ്ങി വമ്പൻ സ്റ്റാർ കാസ്റ്റ് തന്നെ വേണ്ടിവരും. ഇനി വര്ഷങ്ങൾക്കോ യുഗങ്ങൾക്കോ മുൻപോ ഉണ്ടായിരുന്ന മൃഗങ്ങൾ,.കാടുകൾ, ആയുധങ്ങൾ, തുടങ്ങി സർവ്വതും സൃഷ്ടിക്കപ്പെടണം. പാഞ്ചാലപുരം, ഹസ്തിനപുരി, യാദവപുരം, കുരുക്ഷേത്ര, കാശി, ഋഷിസദസ്, ഗാന്ധാരം, കേകയം, മാദ്രം, ഇന്ദ്രപ്രസ്ഥം, മധുര, കാമ്പില്യം, ഛേദി, മാഗധം, അംഗം, കാമരൂപം, ബ്രഹന്നള ആയി അർജുൻ ഒളിവിൽ താമസിച്ച നാട്ടു ദേശം മുതൽ നൂറു കണക്കിന് സ്ഥലങ്ങളും കൊട്ടാരങ്ങളും കാടും മേടും പുനർസൃഷ്ടിക്കപ്പെടണം. 18 ദിവസം നീണ്ടുനിന്ന നഷ്ടങ്ങൾ മാത്രമുണ്ടായ ഭീകര യുദ്ധം, ഭീമനും ബകനും, ഹിഡുംബനുമായി ഉണ്ടായ യുദ്ധങ്ങൾ ഇതൊക്കെ ചിത്രീകരിക്കുന്നതോ ! 18 അക്ഷൗഹിണികൾ ചേർന്നതായിരുന്നു കുരുക്ഷേത്ര യുദ്ധം. ഒരു അക്ഷൗഹിണിയിൽ 21870 ആനകളും അത്രയും തേരുകളും അതിന്റെ മൂന്നിരട്ടി കുതിരകളും അഞ്ചിരട്ടി കാലാലുകളും ഉണ്ടാവും. അപ്പോൾ ചിന്തിക്കുക എത്ര വലിയ യുദ്ധം ആണ് ചിത്രീകരിക്കേണ്ടത്.

രണ്ടാമൂഴം അതിന്റെ സത്ത ചോരാതെ സിനിമായാക്കാൻ ഒരായിരം കോടി പോരാ എന്നെ ഈ കൃതി വായിച്ച ആർക്കും തോന്നു. എങ്കിലും വ്യാപക അർത്ഥത്തിൽ ഇത്രയും വലിയ ഇൻവെസ്റ്റ് ഇല്ലെങ്കിൽ പോലും ഈ മഹാകാവ്യം മോഹന്ലാലിലൂടെ പുനർജനിക്കുന്നത് കാണാൻ എനിക്കേറെ ആഗ്രഹമുണ്ട്. വി എ ശ്രീകുമാർ എന്ന സംവിധായകന്റെ കഴിവുകളെക്കുറിച്ചു ഒന്നുമെനിക്കറിയില്ല. പക്ഷെ കിടയറ്റ തിരക്കഥയാവും എംടി ഒരുക്കുക എന്നത് ഉറപ്പും. ആയിരം മുടക്കിയാലും തിരിച്ചു പിടിക്കാൻ പാകത്തിൽ ഗ്ലോബൽ ഏറ്റെൻഷൻ കിട്ടുന്ന ഒരു പ്രോഡക്ട് കൂടിയാണ് രണ്ടാമൂഴം. ആകാംശയോടെയല്ല, വലിയൊരു പ്രാര്ഥനയോട് കൂടിയാണ് ഞാനീ സിനിമക്കായി കാത്തിരിക്കുന്നത്. സ്‌ക്രീനിൽ മഹാഭാരതചരിത്രം തെളിയുന്നതിലും അതിൽ നായകനായി നമ്മുടെ ലാലേട്ടനും എത്തുന്നതിലുപരി മലയാളികൾക്ക് സംതോഷിക്കാൻ മറ്റെന്തുണ്ട്. ഇതിഹാസരചനക്ക് പേന ചലിപ്പിച്ച എംടിയും നിർമാതാവ് ഷെട്ടിയും സംവിധായകൻ ശ്രീകുമാറും ചേർന്നു ലോകത്തിലെ ഏറ്റവും വലിയ സിനിമാനുഭവം മോഹന്ലാലിലൂടെ നമുക്ക് നൽകട്ടെ.

" ശക്തി പാപവും ഭാരവുമായ ഭീമനെ പിന്തുടർന്നു മഹാഭാരതത്തിന്റെ പ്രപഞ്ചത്തിലൂടെ സഞ്ചരിക്കുമ്പോൾ ഊശാംതാടിയും പെരുവയറും വലിയ ഗദയും ചേർന്നതല്ല ഈ കഥാപാത്രമെന്നു വ്യക്തമാവും. കാമമോഹ വൈരാഗ്യങ്ങൾ മറച്ചുപിടിക്കേണ്ട ബാധ്യതയില്ലാത്ത പ്രാകൃതനായ യോദ്ധാവ്. തത്വചിന്തകളുടെയും ആര്യനിയമങ്ങളുടെയും കെട്ടുപാടില്ലാത്ത വെറും മനുഷ്യൻ. ആ കിരാതന്റെ നിഷ്കളങ്കതയുടെ പാടിപ്പുകഴ്താത്ത കഥ "Febil Kumar

 

പ്രതിബിംബം-ലേഖനം

രാവിലെ ഓഫീസിൽ എത്തിയവർ നോട്ടീസ് ബോർഡിൽ കണ്ട വാർത്ത കണ്ട് അമ്പരന്നു.

*"ഈ കമ്പനിയിൽ നിങ്ങളുടെ വളർച്ചക്ക് വിഘാതമായി നിന്ന വ്യക്തി ഇന്നലെ ഹൃദയാഘാതം മൂലം മരണമടഞ്ഞു. മൃതദേഹം ഹാളിൽ പൊതുദർശനത്തിനു വെച്ചിട്ടുണ്ട്. ശവസംസ്കാര ശുശ്രൂഷയ്ക്ക് എല്ലാവരെയും ക്ഷണിക്കുന്നു."*

തങ്ങളുടെ ഒരു സഹപ്രവർത്തകൻ മരിച്ചതിന്റെ ആഘാതം അവരിൽ ആദ്യം ഞെട്ടൽ ഉണ്ടാക്കിയെങ്കിലും തങ്ങളുടെ വളർച്ചയ്ക്ക് തടസ്സം നിന്ന വ്യക്തി ആരെന്നറിയാൻ അവരെല്ലാം ആകാംഷഭരിതരായി.

*"എന്റെ വളർച്ചയ്ക്ക് തടസ്സം നിന്ന വ്യക്തി മരിച്ചല്ലോ, ആശ്വാസം"* അവരുടെ മനസ്സ് അറിയാതെ പറഞ്ഞു.

ജോലിക്കാർ ഓരോരുത്തരായി ശവമഞ്ചത്തെ സമീപിച്ചു, ശവമഞ്ചത്തിനുള്ളിലേക്ക് നോക്കിയ അവർ അത്ഭുതസ്തബ്ധരായി. ഞെട്ടി വിറച്ചുകൊണ്ട് അവർ ഓരോരുത്തരായി പിന്മാറി. അവർക്ക് ഉൾകൊള്ളാൻ സാധിക്കുന്നതിലും അപ്പുറമായിരുന്നു അവർ കണ്ടകാഴ്ച.

ശവമഞ്ചത്തിനുള്ളിൽ സ്ഥാപിച്ചിരുന്ന കണ്ണാടിയിൽ ഓരോരുത്തരും *തങ്ങളുടെ പ്രതിബിംബം* ദർശിച്ചു.

കണ്ണാടിക്കരികിലെ കുറിപ്പ് ഇപ്രകാരമായിരുന്നു .....

*"നിങ്ങളുടെ വളർച്ചക്ക് തടസ്സം നിൽക്കാൻ ഒരാൾക്കേ കഴിയൂ....*
*ആ വ്യക്തി നീ തന്നെയാണ്.*
*നിന്റെ സന്തോഷങ്ങളെയും, വിജയങ്ങളെയും, സ്വപ്നങ്ങളെയും, സ്വാധീനിക്കാൻ കഴിയുന്ന എക വ്യക്തി നീ തന്നെയാണ് "*

നിങ്ങളുടെ ബോസ് മാറിയതുകൊണ്ടോ സുഹൃത്തക്കളോ, കമ്പനിയോ മാറിയതുകൊണ്ടോ
നിന്റെ ജീവിതം മാറുന്നില്ല. നിന്റെ ജീവിതത്തിനു മാറ്റം വരണമെങ്കിൽ നീ തന്നെ മാറണം...

അത് നിന്നിൽ തുടങ്ങണം...

അത് ഇന്നു തന്നെ ആരംഭിക്കണം....

അതിർവരമ്പുകൾ നിശ്ചയിക്കുന്ന വിശ്വാസങ്ങളിൽ നിന്ന് നീ പുറത്തുവരണം.

നിന്റെ ജീവിതത്തിന്റെ എക ഉത്തരവാദി നീ തന്നെ എന്നു തിരിച്ചറിയണം.

ആരെയും പഴിച്ചതുകൊണ്ടോ, കരഞ്ഞതുകൊണ്ടോ ജീവിതത്തിൽ മാറ്റം വരുന്നില്ല.... നഷ്ടങ്ങൾ മാത്രമേ അതു സമ്മാനിക്കൂ.

ഒരു കോഴിമുട്ട പുറമേ നിന്നുള്ള ശക്തിയാൽ പൊട്ടിയാൽ....
ജീവൻ അവിടെ പൊലിയുന്നു.
നേരെ മറിച്ച് ഉള്ളിൽ നിന്നുള്ള ശക്തിയാൽ പൊട്ടിയാൽ അത് ജീവന്റെ ആരംഭമാണ്...

മഹത്തായ കാര്യങ്ങൾ എല്ലായ്പ്പേഴും നമ്മുടെ ഉള്ളിൽ നിന്നാണ് പിറവി കൊള്ളുന്നത്.

*മാറ്റം നിങ്ങളിൽ നിന്നാകട്ടെ....*
*അത് ഇന്നു തന്നെയാകട്ടെ....

 

നെല്ല്-കവിത