Marriage Supper of the Lamb (Urdu -Pakistan version) by Susan Davis (reading list .TXT) 📖

برا کی شادی کی ضیافت

 

 

 

 

 

 

 

 

 

 

 

 

 

 

برّا کی شادی کی ضیافت

وقتِ آخر کی تقریبات

اِس آخری نسل کے لئیے پیغامات

سُوسن ڈیوِس کے نام وقف

خُدا کے دِل سے براہ راست 

 

 

Copyright © 2012 Susan Davis
All rights reserved.
ISBN-13: 978-1477478332
ISBN-10: 1477478337 

 

آپ کو اجازت دی جاتی ہے کہ آپ اِس کتاب کی کاپیاں بانٹ سکتے ہیں۔ میں واضع کر دوں کہ کمپیوٹرائزڈ یا کتابی، دونوں صورت میں آپ تمام کتاب کی یا اِس کے کِسی بھی حِصے کی اشاعت اپنی ویب سائٹ یا اور کہیں بھی کر سکتے ہیں۔ لیکن ہم درخواست کرتے ہیں کہ آپ یہ نوٹ بھی ضرور شامل کریں تاکہ اور لوگ بھی اِس کو شائع کر سکیں اور بانٹ سکیں۔ یہ کتاب درج ذیل ویب سائٹ پر مفت دستیاب ہے۔

  

ای بُک اور ایم پی تھری کی ویب سائٹ :
https://marriagesupper.wixsite.com/endtimescatalog
© 2012 by Susan Davis 

 

Marriage Supper of the Lamb Urdu Facebook

https://www.facebook.com/Marriage-Supper-of-the-Lamb-Urdu-101717851234435

 

Urdu & English Audios by Suneeta Sunil

https://www.thelordisthespirit.com/?page_id=236

https://www.thelordisthespirit.com/?page_id=251

 

 

 

فہرست

خُداوند کی طرف سے تعارف

گواہیاں

1۔ خاکساری

2۔ نہ اپنی ذات پر بھروسہ کرو نہ کِسی اور پر

3۔ خاکساری کی تربیت

4۔ خُدا پر بھروسہ

5۔ معافی

6۔ دُنیا میں رہو لیکن اِس دُنیا کے مت بنو

7۔ برّے کی شادی کی ضیافت کا جشن

8۔ جشن کی تیاری

9۔ کھوئی ہوئی کلیسیا

10۔ دُنیا کی ہوّس

11۔ دُنیا میں مُصیبت کی سُرخیاں

12۔ دیکھ میں جلد آنے والا ہوں

13۔ وقت گُزرتا جاتا ہے

14۔ دُنیا میری مُخالف ہو گئی

15۔ رہنما میرے پیچھے نہیں چلتے

16۔ دیکھ میں جلد آنے والا ہوں

17۔ مُخالف ِ مسیح

18۔ دیکھو میری آمد کا وقت نزدیک ہے

19۔ تیاری کرو

20۔ تُمہارا وقت ختم ہو رہا ہے

21۔ جب تُم میری مرضی پر نہیں چلتے تو تُم میرے خلاف  چلتے ہو

22۔ ابلیس اِس دُنیا کو تباہ کرنے آ رہا ہے

23۔ رات کے پہر میں گھڑی کا بجنا

24۔ آپس میں لڑنا چھوڑ دو

25۔ میں تُمہیں نہیں لے کر جاؤں گا اگر تُم نے گُناہ سے توبہ نہ کی

26۔ اپنا دھیان میری طرف لگاؤ

27۔ تُمہیں تیار رہنا ہے اگر میرے ساتھ آنا چاہتے ہو

28۔ تُمہاری ابدیت توازن میں ہے

29۔ میری طرف بھاگو، نہ کہ چلو

30۔ میری دُلہن ہر لحاظ سے دِلکش و حسیِن ہے

31۔ بہت چند ہیں جو میری طرف لوٹ کے آئیں گے اورمیری پرستش کریں گے

32۔ میں اپنی دُلہن کو بحفاظت اُٹھانے کو آنے والا ہوں

33۔ مُجھے اول درجہ دو یا بالکل ردّ کر دو

34۔ مُصیبت کا دِن قریب ہے، عظیم مُصیبت کا دِن

35۔ جہانِ فانی کی پیروی یقیناً بے فیض ہے

36۔ بہتیرے گُمان کرتے ہیں کہ وہ تیار ہیں، مگر وہ گُمراہ ہیں

37۔ تُمہارے پاس کُچھ قیمتی وقت باقی ہـے

38۔ میرے حقیقی پیروکار بیدار ہیں اور بالکل تیار ہیں

39۔ اس دستاویز اور میرے روزے کے متعلق میری گواہی

 

 

 

 

 

 

 

 

 

 

 

 

 

 

 

 

 

 

 

 

 اِن نبوتوں کے مُتعلق

میں خُدا کی بندی سُوسن جِس کو خُدا نبوت کی نعمت کے ساتھ اِستعمال کرتا ہے۔ 1 کرنتھیوں 14 باب اُسکی 1 آئت میں لِکھا ہے کہ

محبت کے طالب ہو اور روحانی نعمتوں کے بھی طالب ہو خصوصاً اِس کے کہ نبوت کر سکو۔

یہاں پر ہم نئے عہدنامے سے خُدا کے کلام پر عمل کرنے کی کوشش کریں گے۔ کُچھ یہ مانتے ہیں کہ نبوت اُٹھا لی گئی ہے مگر ایسا نہیں ہے۔ خُدا نے کہا کہ آخری زمانہ میں لوگ نبوت کریں گے۔ ہاں ہر نبوت بائبل کے مُطابق تصدیق شُدہ ہو۔ اور اگر یہ کلام کے مُطابق ہے تو ہمیں اِسے ماننا ہے۔ جیسا پُرانے عہدنامے میں خُدا نبیوں کو اِستعمال کرتا تھا اور اُن نبوتوں کو نئے عہدنامے میں پورا کِیا۔ یسوع بھی نبیوں کو اِستعمال کرتا ہے کہ اُنھیں نبوت کے وسیلہ سے دُنیا میں اِستعمال کرے۔ یسوع نبوت کے وسیلہ اپنے بچوں سے بولتا ہے۔ بائبل بھی نبوت کے وسیلہ اور روح القدس کی مدد سے لِکھی گئی اور بائبل کہتی ہے کہ نبوت روح القدس کی نعمت ہے۔ اعمال کی کتاب جو کہ نئے عہدنامے میں ہے میں بھی چند نبیوں کا ذِکر ہے جیسا کہ یہودہ اور سلاس (اعمال 15:32) اور اگابس (اعمال 21:21) اِن کے علاوہ اور بہت سے ہیں۔ نبیوں کی جماعت کا نئے عہدنامہ کے دور میں اِن کتابوں میں بھی ذکر ہے (1 کرنتھیوں 12:28، 14:1، 29، 32، 37) اِسی طرح (اِفسیوں 2:20، 3:5، 4:11) میں بھی۔  یہ کلام جو خُدا نے اپنی بندی سے روزہ کے دوران کیا بہت سے خادموں کی تصدیق کے بعد آپ کے سامنے پیش کیا گیا ہے۔ اِس کی تصدیق خُدا کے عظیم خادموں نے اور روح القدس نے خود کی ہے تاکہ آپ خُدا کے دِل کو جان سکو اور آنے والے دُلہا کی ضیافت میں شامل ہو سکو۔
کُچھ کہتے ہیں کہ نبوت کا کام بائبل میں سے مواد نکالنے یا اضافہ کرنے کی وجہ سے خطرے میں ہے۔ لیکن اگر کوئی نبوت بائبل کے مطابق بغیر کِسی تفریق یا اضافہ کے تصدیق شُدہ ہے تو وہ درست قرار دی جاتی ہے۔ مگر خُدا کے نظریات میں ردوبدل کرنا اور بائبل کے برعکس دُنیاوی اور اِنسان کے بنائے ہوئے نظریات کو نبوتوں کا نام دینا بالکل غلط ہے بلکہ گُناہ ہے۔ نبیوں کا شروعاتی کام لوگوں کو خُدا کے کلام کی طرف رجوع کروانا ہی تھا۔
جیسا کہ 1 تھسلنیکیوں 5 باب 19 سے 21 آیات میں لِکھا ہے

رُوح کو نہ بُجھاؤ۔
نبُوّتوں کی حقارت نہ کرو۔
سب باتوں کو آزماؤ۔ جو اچھّی ہو اُسے پکڑے رہو۔

اور کِسی نبوت یا پیغام کی تصدیق کرنے کا طریقہ یہی ہے کہ بائبل کے مُطابق اِس کا موازنہ کِیا جائے۔
ذیل میں تحریر کردہ تمام نبوتیں میں نے خود ( مائیک پیرالٹا - کتاب تیار کرنے والا) تصدیق کی ہے اور یہ تمام بائبل کی روح سے درست ہیں۔ مگر آپ کو اِن سب کی خُود سے بھی تصدیق کرنی چاہئیے اور اگر یہ بائبل مُقدس کے عین مُطابق ہیں تو خُدا چاہتا ہے کہ آپ اِن کو اپنے دِلوں میں چھاپ لیں اور اِن نبوتوں اور احکامات کے مُطابق زِندگی بسر کریں۔

 

 

  خُداوند کی طرف سے تعارف

میرے بچو! میں تُمہارا خُدا بول رہا ہوں۔ میں جلد آ رہا ہوں۔ میری آمد قریب ہے حتی' کہ دروازہ پر۔ تُمہیں تیار ہونے کی ضرورت ہے۔

یہ کتاب میری بیٹی سُوسن کے 40 دِن کے روزے دوران مکمل ہوئی۔ اُس نے میرے کہنے پر یہ روزہ رکھا۔ میں اُسے ویران جگہ پر لے گیا تاکہ وہ اپنی خودی کو مار دے۔ اِس دوران میں نے اِسے بہت سے اِلفاظ اور کلام عطا کئیے جو میں چاہتا ہوں کہ میرے بچوں تک پہنچایا جائے۔ لہذا جیسا میں نے اُس سے کہا ویسے ہی اُس نے میرے اِلفاظ لِکھے۔ اِن سب خطوط میں اہم معلومات ہیں جِن کا تُمہیں علم ہونا ضروری ہے کیونکہ میری آمد قریب ہے۔

میں تُمہارا خُدا اور نجات دہندہ YAHUSHUA (یسوع مسیح) ہوں۔

*خطوط میں شامل کئیے گئے تمام تر حوالاجات کِنگ جیمز ورژن (KJV) بائبل سے لئیے گئے ہیں

یہ الفاظ خُداوند باپ اور اُس کے بیٹے YAHUSHUA HA MASHIACH ( یسوع مسیح یا مسح کیا ہوا یسوع یا مسیحا) نے ترتیب دئیے ہیں اور سُوسن کو اُس کے چالیس دِن کے روزے کے دوران 27 جنوری 2012 سے 6 مارچ 2012 کے درمیان عطا کئیے ہیں۔

 

مُصنف کی طرف سے نوٹ

یہ کتاب اِس لئیے نہیں لکھی گئی کہ نسلوں سے اِس کے عِوّض نفع کمایا جائے بلکہ اِس لئیے لِکھی گئ تاکہ اِس مخصوص ذرائع کے وسیلہ سے زیادہ سے زیادہ لوگوں تک رسائی حاصل کی جائے۔ خُدا کا یہ نبوتی کلام پیسے کے حصول کے لئیے نہیں تشکیل دِیا گیا۔ اِس کتاب کی قیمت صِرف اشاعت کے اخراجات پورے کرنے کے لئیے رکھی گئی ہے جبکہ مُصنف کو اِس میں سے کوئی منافع یا بچت نہیں ہے۔ ( اشاعت کے اخراجات کی وجہ سے صِرف کُچھ روپے درکار ہیں اور اضافی رقم سے مزید کتابیں خرید کر لوگوں کو مُفت بانٹ دی جائیں گی) یہ پیغام بہت ضروری ہے تاکہ ہم یقین دہانی کر سکیں کہ کتاب کی قیمت لوگوں اور اِس الہی پیغام کے درمیان رکاوٹ کا باعث تو نہیں۔

 

میں بہت مشکور ہوں کہ آپ نے مُجھے ای۔میل کی اور خُدا کا کلام مُجھ تک پہنچایا۔ مُجھے اِس سے بہت برکت حاصل ہوئی ہے۔ میں نے بہت دُعا کی اور پاک روح سے ہدائت مانگی کہ مُجھے بہت سی چیزیں سمجھنے کی حِکمت اور اپنے رستہ پر چلنے کی توفیق عطا فرما۔ براہ کرم میرے لئیے دُعا کریں۔ ایک بار پِھر سے شکریہ ادا کرنا چاہتی ہوں۔ خُداوند آپ کو اور آپکی مِنسٹری کو بہت برکت دے۔ - قاری 1

***********

پیاری بہن سُوسن، اے یسوع YAHUSHUA اِن خطوط کے لئیے تیرا شکریہ ادا کرتی ہوں۔ جو کُچھ بھی تو نے اپنی بیٹی/ دُلہن کو بولا وہ سب لِکھا گیا۔ میں نے ایک دِن قبل یہ کتاب پڑھنا شروع کی اور تقریباً دس صفحات پڑھ چُکی ہوں۔ اور جب بھی پڑھتی ہوں میں برکت پاتی ہوں۔ - قاری 2

**********

سُوسن، تُم نے جو لِنک مُجھے بھیجا اُس کے لئیے شُکریہ۔ میں نے یقیناً اِس کے وسیلہ سے برکت پائی ہے اور اب میری روح خُداوند یسوع YAHUSHUA کے لئیے بھوکی اور ترپتی ہے۔ -قاری 3

***********

آداب میری پیاری بہن سُوسن، میں خُداوند کا یہ پیغام/خطوط تقریباً تمام پڑھ چکی ہوں جو خدا نے تُمہارے روزہ کے دوران تُمہیں دئیے۔ یہ در حقیقت خُدا کا کلام اور اِلفاظ ہیں۔ میرا مطلب میں نے تقریباً 100 صفحات پڑھ لئیے ہیں۔ اُس کی سچائی، حِکمت اور ہم سب کو احساس دلانا اور قوم کو تنبیع کرنا نہائت شاندار ہے۔ اِس سب کے لئیے اُس (خُدا) کی شُکرگُزار ہوں۔ اور میرے ساتھ یہ کلام بانٹنے کے لئیے خُدا تُمہیں برکت دے۔ - قاری 4

************

پیاری سُوسن، مُجھے یہ کتاب بھیجنے کے لئیے بہت شکریہ میری پیاری بہن سُوسن۔ میں نے بھی اِسے نشر کیا ہے اور تقریباّ آدھی پڑھ چُکی ہوں۔ اِس نے مُجھے اِس قابل بنایا کہ خُدا کے آگے جُھک سکوں۔ میں دعا گو ہوں کے لاکھوں کی تعداد میں لوگ ایسا ہی کریں۔ خُدا تُمہیں اُس کے لئیے تُمہاری ایمانداری اور وفاداری کے لئیے بہت برکات سے مالامال کرے۔ مسیح کے نام میں ہمیشہ محبت سے رہو۔ - قاری 5

*************

سُوسن، یہ خُداوند کی طرف سے نہائت مسح کی ہوئی نبوت ہے۔ میں 1979 سے جب میں چھوٹی تھی تب سے نبوتیں سُن رہی ہوں۔ گزشتہ 33 سالوں سے میں نے نہائت مسح کرنے والی نبوتیں سُنی ہیں مگر اِس کتاب کا پیغام تمام نبوتوں سے زیادہ مسح کُن ہے۔ - میکا پیرالٹا (کتاب تیار کرنے والی)

 

 

 

 

 

 

باب 1

خاکساری

 

خاکساری کا مطلب مکمل اطاعت اور فرمانبرداری ہے۔ یہ شکائیت کے بغیر دوسروں کی خِدمت کرنے کی خواہش ہے۔ ایک مُسکراہٹ کے ساتھ دوسروں سے نقصان کو نظر انداز کرنا دوسروں کی خدمت کرنا اور خُدا کو خوش کرنے کی خواہش۔ یہ پُر اُمید توقعات کے ساتھ ہر وقت خُدا کی خِدمت کے مُطابق ایک آمادہ روح ہے۔ ہمیشہ خُدا اور دوسروں کی خِدمت کے لئیے تیار رہنے کی خواہش ہے۔ خاکسار پِچھلی نشِست لینے کو بھی تیار ہوتا ہے، آخری کُرسی، آخری عہدہ۔ پس ِ منظر ہونا، کِسی کے دھیان میں نہ ہونا۔

 

لوقا 14 باب 7 تا 12 آیات :

جب اُس نے دیکھا کے مہمان صدر جگہ کِس طرح پسند کرتے ہیں تو اُن سے ایک تَمثِیل کہی کہ۔

8 جب کوئی تُجھے شادِی میں بُلائے تو صدر جگہ پر نہ بَیٹھ کہ شاید اُس نے کِسی تُجھ سے بھی زِیادہ عِزّت دار کو بُلایا ہو۔

9 اور جِس نے تُجھے اور اُسے دونوں کو بُلایا ہے آ کر تُجھ سے کہے کہ اِس کو جگہ دے۔ پھِر تُجھے شرمِندہ ہوکر سب سے نِیچے بَیٹھنا پڑے۔

10 بلکہ جب تُو بُلایا جائے تو سب سے نِیچی جگہ جا بَیٹھ تاکہ جب تیرا بُلانے والا آئے تو تُجھ سے